Mashtrimet dhe thirrjet e padëshiruara robotike që shfaqen me zëra njerëzor të krijuar nga AI janë tashmë zyrtarisht të paligjshme, në një vendim unanim nga Komisioni Federal i Komunikimeve.
Fenomeni tërhoqi vëmendjen muajin e kaluar kur një imitim i presidentit amerikan Joe Biden u kërkoi njerëzve të mos votonin në zgjedhjet paraprake në New Hampshire Vendimi i ri, i lëshuar të enjten, premtoi t’u japë ‘prokurorëve të përgjithshëm të shtetit në të gjithë vendin mjete të reja për të dënuar personat që qëndrojnë pas këtyre thirrjeve robotike me qëllim të keq.’
“Personat me qëllim të keq po përdorin zëra të gjeneruar nga AI në thirrje për të zhvatur anëtarët e cenueshëm të familjes, për të imituar të famshëm dhe për të dezinformuar votuesit“, tha në një deklaratë për shtyp kryetarja e FCC-së, Jessica Rosenworcel. “Ne po i paralajmërojmë mashtruesit që qëndrojnë pas këtyre thirrjeve robotike.”
Vendimi i FCC do të zgjerojë masat që prokurorët mund të ndjekin sipas Aktit të Mbrojtjes së Konsumatorit Telefonik (TCPA), i cili aktualisht është ligji parësor që lejon autoritetet të ndihmojnë në kufizimin e thirrjeve të padëshiruara. Por FCC tha gjithashtu se po ndjek rastet e saj të përdorimit për AI, duke përdorur softuer për njohjen e modeleve në një përpjekje për të njohur thirrjet e paligjshme robotike dhe t’i bllokojnë ato ‘përpara se të arrijnë ndonjëherë tek konsumatorët në telefon”.
FCC e ka hetuar këtë çështje që nga nëntori i kaluar, kur nisi një hetim për të zbuluar shkallën në të cilën mjetet e sofistikuara të AI janë duke u përhapur dhe cilat politika të reja mund të ndihmojnë në frenimin e valës. Pas vendimit të sotëm, agjencia federale vuri në dukje se këto lloje të mashtrimeve telefonike kanë qenë në rritje gjatë viteve të fundit.
