Startup-i AI Humane bëri një lajmërim para disa ditësh ku lajmëroi përdoruesit se AI pins do të ndalojnë së funksionuari brenda 10 ditëve. Në një shënim për klientët e saj, kompania tha se produkti i inteligjencës artificiale do të “vazhdojnë të funksionojnë normalisht” deri në orën 12:00 PT më 28 shkurt. Në atë datë, përdoruesit do të humbasin aksesin në të gjitha veçoritë e pajisjes së tyre, duke përfshirë telefonatat, mesazhet, pyetjet e AI dhe aksesin në cloud. Megjithatë, duket se do të jeni ende në gjendje të kontrolloni jetëgjatësinë e baterisë.
Humane po inkurajon përdoruesit e saj të shkarkojnë çdo të dhënë të ruajtur përpara datës 28 shkurt, pasi planifikon të fshijë përgjithmonë “të gjitha të dhënat e mbetura të klientit” në të njëjtën kohë me mbylljen e serverëve të saj. Kompania thotë se do t’i rimbursojë klientët që janë ende brenda afatit 90-ditor të kthimit, për sa kohë që ata të dorëzojnë deri më 27 shkurt.
Njoftimi i ndërprerjes u shkaktua nga blerja e Humane nga HP, e cila po blen pronën intelektuale të kompanisë për $116 milionë, por qartësisht nuk ka asnjë interes në biznesin e saj aktual të harduerit. Ky produkt bëri shumë bujë në momentin e prezantimit, megjithatë nuk arriti të gjente hapësirën e duhur të përdorimit për të tërhequr një bazë të gjerë përdoruesish.
HP thotë se blerja do të sjellë “inxhinierët, arkitektët dhe novatorët e produkteve” të Humane në një ekip të ri të quajtur HP IQ, të cilin e përshkruan si një “laborator inovacioni AI i fokusuar në ndërtimin e një ekosistemi inteligjent në produktet dhe shërbimet e HP për të ardhmen e punës“.
