Google po prezanton një veçori të re për Gemini Canvas, hapësira interaktive falas brenda aplikacionit të chatbot-it AI, e cila synon kryesisht studentët dhe punonjësit që duhet të krijojnë prezantime. Kjo veçori u lejon përdoruesve të gjenerojnë slides vetëm duke shkruajtur një prompt, ose duke ngarkuar dokumente, spreadsheet apo punime kërkimore nga të cilat Gemini mund të nxjerrë përmbajtjen kryesore dhe ta kthejë në një prezantim të strukturuar.
Nëse burimi nuk është i rëndësishëm, përdoruesi mund të kërkojë thjesht: “Krijo një prezantim mbi këtë temë.” Por në rastet kur prezantimi duhet të bazohet në një dokument të caktuar, ai mund të ngarkohet paraprakisht dhe më pas t’i kërkohet Gemini të ndërtojë prezantimin mbi të. Prezantimet e krijuara përfshijnë automatikisht temë grafike, struktura të qarta të slide-ve dhe imazhe përkatëse.
5/ Up your presentation game in Canvas
— Google Gemini App (@GeminiApp) October 24, 2025
Upload any source to create entire decks with images and data visualization. Export to Google Slides to add any finishing touches. Rolling out to Pro subscribers today and to Free users in the coming weeks pic.twitter.com/70qercWf4E
Pas gjenerimit, prezantimi mund të eksportohet direkt në Google Slides, ku përdoruesit kanë mundësi ta modifikojnë, të shtojnë elemente ose të punojnë në mënyrë bashkëpunuese me kolegët. Veçoria është duke u shpërndarë si për llogaritë personale, ashtu edhe për ato të Google Workspace.
Gemini Canvas u prezantua fillimisht në mars si një mjedis pune ku përdoruesit mund të ndajnë tekste ose kod për redaktim dhe përmirësim nga AI. Nëse përdoruesit vendosin kod ose ide për projekte si aplikacione, faqe interneti ose infografikë, Canvas mund t’u tregojë paraqitje vizuale të konceptit.
Me këtë përditësim, Canvas shndërrohet në një mjet më të plotë për krijim përmbajtjeje, duke automatizuar pjesën më të lodhshme të ndërtimit të prezantimeve dhe duke i lejuar përdoruesit të fokusohen më shumë në përmbajtjen dhe komunikimin. Veçoria pritet të bëhet veçanërisht e dobishme në mjediset akademike dhe profesionale ku prezantimet janë të shpeshta dhe shpesh kërkojnë kohë të konsiderueshme për përgatitje.
