Sipas South China Morning Post, studentët kinezë arritën të zhvillojnë një pallto që mund të bëjë njerëzit të padukshëm në pamjet e kamerave të sigurisë.
Pallto duket tepër normale, por në fakt ajo ka aftësinë të mashtrojë kamerat dixhitale, sidomos ato që përdorin AI. Kjo gjë arrihet nëpërmjet përdorimit të disa motiveve të ndryshme në pallto të zhvilluara përmes përdorimit të një algoritmi kompleks. Pallto vjen gjithashtu me pajisje termale të brendshme të cilat mund të emëtojnë temperature të ndryshme gjatë natës.
Për sa kohë shumica e kamerave përdorin teknologjinë me rreze infra të kuqe për të identifikuar personat, aftësia e palltos për të krijuar forma të tjera nxehtësie arrin të mashtrojë kameran gjatë natës.
E ashtuquajtur “InvisDefense”, kjo pallto u krijua nga një ekip prej 4 studentësh të diplomuar në Wuhan University of China. Kjo pallto fitoi gjithashtu çmimin e parë në “Huawei Cup”, një inovacion i sigurisë kibernetike i sponsorizuar nga Huawei. InvisDefense kushton vetëm $71.
Wei Hui, studenti i cili arriti të krijonte algoritmin tepër të rëndësishëm për këtë pallto, tregoi për VICE se “kishin shpenzuar shumë kohë për të përgatitur këtë projekt”. Saktësia e identifikimit të këmbësorëve u reduktua me 57% pas testimit të palltos në kamerat e sigurisë.
