Snap hoqi dorë nga droni i saj me kamerë selfie Pixy pas vetëm katër muajsh, ndërkohë që kompania shiti 71,000 dronë. Tashmë kompania do të tërheqë secilin prej atyre dronëve sepse bateritë e tyre paraqesin rrezik zjarri.
Snap do të tërheqë nga tregu të gjithë pajisjen, jo vetëm baterinë e tyre, pasi me shumë mundësi nuk do të prodhojë bateri të tjera për to.
Snap dhe Komisioni i Sigurisë së Produkteve të Konsumatorit në SHBA thonë se duhet “të ndaloni menjëherë përdorimin e kamerës Pixy Flying, të hiqni baterinë dhe të ndaloni karikimin e saj” tani që ka pasur katër raportime për fryrjen e baterisë, një shpërthim zjarri dhe një “lëndim të lehtë“. Më pas, mund të merrni një rimbursim të plotë për të gjithë dronin dhe/ose çdo bateri që zotëroni – duket sikur po flasim për të paktën $185.
Të gjithë personat që zotërojnë këtë pajisje nuk kanë nevojë për një faturë: mund të aplikoni për rimbursim edhe nëse e keni marrë si dhuratë. Megjithatë, për të marrë ato para, do t’ju duhet të ktheni të gjithë dronin, PA bateritë. Snap thotë se do t’ju dërgojë me email një kupon të parapaguar kthimi nëse e bëni këtë gjë.
Ju do të duhet të gjeni një mënyrë të sigurt për t’i hedhur vetë bateritë; Snap thotë se NUK duhet t’i hidhni ato në dyqanet tuaja lokale të harduerit, por në vendet e posaçme të riciklimit.
Article by: Brenton Benja
