Në qoftë se jeni kurioz rreth statusit të baterisë së laptopit tuaj ose keni vënë re se bateria ka filluar të shkarkohet shumë shpejt është koha të krjoni një Battery Report rreth laptopit që përdorni.
Për të krijuar një Battery Report në Windows duhet të ndiqni këto hapa :
- Si fillim duhet të hapni Command Prompt, duke kërkuar “CMD” në menunë Start dhe më pas klikojeni që të hapet.
- Raporti do të dalë në formatin HTML kështu që duhet ta bëjme sa më të thjeshtë gjetjen e saj duke shkruajtur: cd %HOMEPATH%/Desktop
- Kjo komandë bën të mundur regjistrimin e raportit në desktop dhe mund ta gjeni aty.
- Për të gjeneruar raportin shkruani : powercfg /batteryreport
- Kjo komandë përdor powerconfig dhe grumbullon të gjithë informacionit rreth baterisë, i cili do të shfaqet në desktop.
- Hapni file-in dhe para jush do të shfaqet i gjithë informacioni
Sigurisht një raport i tillë ekziston dhe për macOS, por jo aq i detajuar sa ai që ofron Windows. Për të patur akses në këto informacione duhet të veproni si më poshtë:
- Si fillim ju duhet të hapni menunë Apple sipër-majtas, dhe më pas duhet të klikoni në “About This Mac”.
- Hapni System Report dhe shkoni në opsionin Hardware.
- Në listën e gjatë që ju shfaqet klikoni Power.
Ju mund të shihni ciklet e karikimit të baterisë së laptopit tuaj, gjendjen e baterisë të vlerësuar në përqindje dhe të gjithë power settings që janë aktive për momentin. Për të parë grafikë rreth përdorimit të baterisë në 24 orët ose 10 ditët e fundit, shkoni në System Preferences dhe klikoni opsionin Battery.
