FLEXIBLE START-UP SUPPORT Programme – Regional Edition, një program inkubacioni dhe zhvillimi dedikuar startup-ve, projekteve akademike dhe NVM-ve inovatore , do të zbatohet në tre qytete rajonalë të Shqipërisë, duke filluar nga qyteti i Shkodrës.
Programi sjell përvojat dhe njohuritë e perditesuara nga i njejti program i testuar në Tiranë, duke kombinuar ekspertizën vendase dhe ndërkombëtare. Ky projekt zbatohet nga Ofiçina Innovation Hub e mbeshtetur nga projekti i financuar nga Bashkimi Evropian dhe GIZ, EU for Innovation.
Objektivi kryesor i ketij programi eshte:
- Të mbështesë zhvillimin e startup-ve, NVM-ve innovatore dhe projekteve akademike
- Krijimi i një qendre inkubacioni të qëndrueshme për trajnim dhe mbështetje të sipërmarrësve te zones se Shkodres dhe qyteteve perreth
- Angazhimi dhe lidhja e palëve të interesit të eko-sistemit lokal, siç janë: bizneset vendore, bashkitë dhe institucionet e tjera qeveritare, universitetet dhe shkollat profesionale, me qëllim të zhvillimit të gjeneratës së re të sipërmarrësve në qytete të zgjedhura rajonale të Shqipërisë.
Programi kërkon të zhvilloje deri në 20 ndërmarrje të reja gjatë vitit 2020, projektet e perzgjedhura duhet të kenë një ide të zhvilluar, mundësisht të shoqëruar me një prototip fillestar të papërpunuar qe ofron një zgjidhje për një industri specifike. Gjatë këtij programi katër-mujor, inovatoret nga qyteti i Shkodrës do të zhvillojnë dhe vërtetojnë modelin e biznesit të tyre dhe do të dalin me një provë të konceptit dhe një strategji të qartë për ndërtimin e një produkti minimal të zbatueshëm.
Gjate kesaj periudhe ,do të organizohen aktivitete shtese te cilat supplementojne programin siç janë konkurset e planit të biznesit, hackathon dhe sfida për ndërtimin e kapaciteteve te pjessemarresve. Në fund të periudhës së akselerimit, bizneset e reja do të kenë mundësinë të paraqesin idetë e tyre përpara një audiencë që përfshin investitorë, organizata ndërkombëtare dhe individe te interesuar.
Programi i trajnimit përmban një kurrikul të kultivuar me tematika si: Metodologji të Lean Start-up, Inovacion / Mendim Krijues dhe Zhvillim Sipërmarrësish, Modeli i Qëndrueshëm i Zhvillimit të Biznesit, Thithja e investimeve dhe Teknikat e Prezantimit të cilat do të mbahen nga ekspertë me përvojë të gjerë në ofrimin e programeve trajnuese për sipërmarrësit.
Programi do të fillojë të implementohet në qytetin e Shkodrës në muajin Gusht 2020.
Thirrja për aplikim është e hapur dhe çdokush është i mirëpritur të aplikojë nëpërmjet faqes https://flex-support.oficina.al/ ose EU for Innovation dhe gjithashtu nëpërmjet faqeve të rrjeteve sociale.
