Shkencëtarët zviceranë kanë zhvilluar robotin e parë në botë që mund të hahet plotësisht, i bërë nga materiale të buta dhe biodegradueshme si dylli dhe xhelatina. Ky robot mund të përtypet dhe gëlltitet i tëri, duke përfshirë baterinë dhe madje ka versione me shije të ndryshme. Ai funksionon duke përdorur një sistem pompash që zakonisht punojnë me presion gazi, por në këtë rast përdoren materiale të ngrënshme si tubat prej xhelatine.
Roboti është ndërtuar për të lëvizur duke pompëzuar ajrin në dhoma të trupit të tij, duke shkaktuar deformim dhe krijuar lëvizje. Për të funksionuar, robotët e zakonshëm përdorin energji nga gazrat, por ky robot përdor një reaksion kimik. Një përzierje e sodës së bukës dhe acidit citrik ruhet në kontejnerë të ndarë dhe një membranë ndan këto dy substanca. Kur aplikohet presion, acidi thyen membranën dhe shkakton një reaksion acid-bazë, duke liruar dioksid karboni që fuqizon robotin.
Ky zhvillim është pjesë e projektit të financuar nga BE, RoboFood, i drejtuar nga Dario Floreano në laboratorin e Sistemeve Inteligjente të Universitetit EPFL. Aplikimi kryesor i këtij roboti është në mjekësinë e kafshëve.
Për shembull, ai mund të përdoret për të administruar vaksina për kafshë të egra, si derrat e egër, duke shmangur nevojën që njerëzit të afroheshin. Pasi janë të lira, biodegradueshme dhe të lëvizshme, këto robotë mund të jenë një zgjidhje e përshtatshme për vaksinimin e kafshëve kundër sëmundjeve si gripi i derrit.
