Versioni më i ri beta i Full Self-Driving në makinat Tesla duket se ka një problem madhor: ai nuk arrin të zbulojë praninë e objekteve me madhësinë e fëmijëve në rrugë. Kjo gjë u zbulua nëpërmjet testimeve nga The Dawn Project, të cilët përdorën një Tesla Model 3 që ishte update-uar në versionin 10.12.2 të FSD.
Më pas makina nisi të lëvizte në një rrugë të drejtë prej 110 metrash para se të përballej me një manekin me madhësinë e një fëmije. Grupi tha se duart e drejtuesit testues nuk e prekën asnjëherë timonin. Tesla tregon se FSD nuk është një sistem tërësisht autonom, pra është një program me shërbime të ndryshme si ndërrimi i korsive apo drejtim i automatizuar dhe drejtuesit duhet të mbajnë duart në timon për të marrë situatën në kontroll në çdo kohë.
Our new safety test of @ElonMusk’s Full Self-Driving Teslas discovered that they will indiscriminately mow down children.
Today @RealDawnProject launches a nationwide TV ad campaign demanding @NHTSAgov ban Full Self-Driving until @ElonMusk proves it won’t mow down children. pic.twitter.com/i5Jtb38GjH
— Dan O’Dowd (@RealDanODowd) August 9, 2022
Përmes këtij testimi u vërtetua se kur Tesla po ecte në shpejtësinë 40km/h, ajo e goditi manekinin të gjitha herët e testimit. Dawn Project tha se distance prej 110 metrash është e mjaftueshme për një drejtues human që të shikojë një fëmijë në rrugë, duke thënë: “Software-i FSD i Tesla nuk arrin të kalojë këtë test të thjeshtë në mënyrë të përsëritur, me rezultate potencialisht vdekjeprurëse.”
“Elon Musk thotë se FSD është i mrekullueshëm. Nuk është i tillë. Ky është reklamimi më i keq i një softëare-i që kam parë.” tha Dan O’Dowd, drejtuesi i këtij projekti.
