Kjo video e robotit i cili rrëzohet në tokë pas një dite të lodhshme në punë ka bërë tashmë xhiron e rrjeteve sociale, duke rritur kështu shqetësimet mbi aftësitë që robotët kanë për të zëvëndësuar njerëzit në vendet e punës.
Siç mund të shikojmë në video, roboti kryen disa detyra përsëritëse në një fabrikë, deri në momentin që ndalon së funksionuari dhe bie në tokë. Me sa duket të gjitha energjitë e tij janë shteruar, dhe roboti nuk arrin do të ngrihet sërisht.
Video of a robot collapsing in a scene that seemed to fall from tiredness after a long day’s work… pic.twitter.com/EFw8giecrM
— Interesting Videos (@moistonig) April 11, 2023
Ky incident na tregon se na duhet të punojmë akoma më tepër për të arritur nivelin e pëlqyer të automatizimit. Dhe pse robotët mund të jenë shumë efiçientë dhe produktivë, është e nevojshme që ne të përkujdesemi për to, njësoj si për të gjitha makineritë e tjera. Neglizhimi i situatës mund të çojë në keqfunksionimin e tyre madje mund të shkaktojë dhe aksidente në vendin e punës.
Kjo nuk është hera e parë që një robot nuk arrin ta përballojë nivelin e lartë të punës, pasi dhe më parë kemi parë raste që robotët mbinxehen, keqfunksionojnë apo dhe prishen pas një periudhe të caktuar përdorimi. Në disa raste, këto probleme kanë sjellë dëmtime në vendin e punës.
