Samsung ka prezantuar gjatë ditës së sotme serinë më të re të tabletëve premium, Galaxy Tab S9, të cilat do t’i sigurojnë përdoruesve një argëtim të paparë dhe performancë të shkëlqyer.
Në të tre modelet, Galaxy Tab S9, S9+ dhe S9 Ultra, ekranet Dynamic AMOLED 2X sigurojnë përvoja epike shikimi dhe argëtimi falë Qualcomm Snapdragon 8 Gen 2 për Galaxy. Galaxy Tab S9 vjen i pajisur me S Pen, duke i ndihmuar përdoruesit të realizojnë idetë e tyre më lehtë. Gjithashtu për herë të parë në këtë seri tabletësh do të shikojmë çertifikimin IP68 për rezistencën ndaj ujit dhe grimcave të pluhurit, duke i dhënë më tepër siguri klientëve të kësaj serie.
Pavarësisht nëse luani lojëra ose shikoni video, ekrani 14,6 inç Dynamic AMOLED 2X i Galaxy Tab S9 Ultra ofron një përvojë argëtimi gjithëpërfshirëse. HDR10+ e serisë Galaxy Tab S9 siguron optimizimin e tonit të ngjyrave skenë për skenë, kornizë për kornizë me një gamë të gjerë ngjyrash dhe shkëlqim. Shpejtësia dinamike e rifreskimit të serisë Galaxy Tab S9 kalibrohet automatikisht nga 60 në 120 Hz për të balancuar reagimin e qetë me efikasitetin e optimizuar të baterisë. Eye Comfort gjithashtu redukton me më shumë se 70 përqind tendosjen e syve në dritë të ulët blu. Plus, raporti i pamjes 16:10 paraqet TV dhe filmat në mënyrën fantastike.
Argëtimi në serinë Galaxy Tab S9 është përmirësuar nga audio gjithëpërfshirëse, që ofrohet përmes sistemit AKG të audios katërkëndëshe 20% më të mëdha, për të dhururar tinguj zhytës përmes teknologjisë Dolby Atmos. Për ata që duan ta çojnë argëtimin e tyre në ambientet e jashtme, teknologjia inovative Vision Booster është tani në serinë Galaxy Tab S9. Ai njeh automatikisht kushtet e ndriçimit të fortë dhe përshtatet për ta mbajtur ekranin të optimizuar.
Sigurisht të gjitha këto shërbime dhe shumë të tjera do të fuqizohen nga proçesori Snapdragon 8 Gen 2 i përshtatur për pajisjet Samsung. Seria Galaxy Tab S9 është gjithashtu linja Galaxy Tab më efikase ndaj nxehtësisë ndonjëherë me një dhomë të brendshme avulli për të shpërndarë sa më mirë nxehtësinë në dy drejtime. Ajo ndihmon në aktivizimin dhe ruajtjen e performancës më të mirë për një periudhë më të gjatë përdorimi.
Një tjetër aksesor që duhet me patjetër ta keni nëse vendosni të blini këto tabletë është Galaxy S Pen. Nëpërmjet këtij lapsi ju do ta keni më të thjeshtë të vizatoni në tablet, të mbani shënime në kohë reale si dhe ta përdorni në shumë aplikacione të ndryshme, si përshembull ato të editimit të fotografive.
Për sa i përket integrimit në ekosistem, nuk duhet të merakoseni aspak, pasi ndërlidhja e Galaxy Tab S9 me pajisjet e tjera është shumë i lehtë falë Multi Control.
Kjo seri vjen në dy ngjyra, grafit dhe bezh dhe është e disponueshme në tre madhësi, me çmimet si më poshtë:
- Tab S9 (WiFi, 8+128GB) nga 99,999 LEK
- Tab S9+ (WiFi, 12+256GB) nga 124,999 LEK
- Tab S9 Ultra (WiFi, 12+256GB) nga 149,999 LEK
Geek Room po ndjek drejtpërsëdrejti eventin Unpacked që po organizohet në Seoul dhe do t’ju update-ojë menjëherë me fotografi direkte nga eventi.
