OpenAI po planifikon të lançojë Orion, modelin e tij të ardhshëm AI në dhjetor të këtij viti. Ndryshe nga GPT-4o dhe o1, Orion fillimisht nuk do të lëshohet gjerësisht përmes ChatGPT. Në vend të kësaj, OpenAI po planifikon t’u japë akses fillimisht kompanive me të cilat punon në mënyrë që ato të ndërtojnë produktet dhe veçoritë e tyre, sipas një burimi të njohur me planin.
Inxhinierët brenda Microsoft – partneri kryesor i OpenAI për vendosjen e modeleve të AI – po përgatiten të presin Orion në Azure që në nëntor. Ndërsa Orion shihet brenda OpenAI si pasardhës i GPT-4, është e paqartë nëse kompania do ta quajë GPT-5 këtë version në publik. Sidoqoftë duhet të theksojmë se nuk ka një konfirmim zyrtar nga kompania përsa i përket këtij lëshimi, dhe Sam e përgënjeshtroi këtë lajm, duke thënë se kompania ka në plan të prezantojë “produkte të tjera të shkëlqyera”.
Orion është reklamuar nga një ekzekutiv i OpenAI si potencialisht deri në 100 herë më i fuqishëm se GPT-4. Qëllimi i kompanisë është të kombinojë LLM-të e saj me kalimin e kohës për të krijuar një model edhe më të aftë që përfundimisht mund të quhet inteligjencë e përgjithshme artificiale, ose AGI.
Më parë u raportua se OpenAI po përdorte o1, me emrin e koduar Strawberry, për të ofruar të dhëna sintetike për trajnimin e Orion. Mendohet se në shtator punonjësit në OpenAI organizuan një festë për të festuar përfundimin e trajnimit të Orion, kur dhe CEO publikoi një tweet me kuptim të fshehtë në të cilin ai tha se ishte “i emocionuar që yjësitë e dimrit të shiheshin së shpejti“.
Nëse pyetni ChatGPT o1-previeë rreth postimit të Altman, do t’ju tregojë se ai po lë të kuptohet për fjalën Orion, e cila është yjësia e dimrit që është më e dukshme në qiellin e natës nga nëntori deri në shkurt.
:format(webp)/cdn.vox-cdn.com/uploads/chorus_asset/file/25696580/orion.png)
Lëshimi i këtij modeli të radhës vjen në një moment vendimtar për OpenAI, i cili sapo mbylli një raund historik financimi prej 6.6 miliardë dollarësh që kërkon që kompania të ristrukturohet si një entitet fitimprurës. Kompania po përjeton gjithashtu një qarkullim të konsiderueshëm të stafit: CTO Mira Murati ka njoftuar largimin e saj së bashku me Bob McGrew, shefin e kërkimit të kompanisë dhe Barret Zoph, VP i trajnimit.
