Inteligjenca Artificiale është kryefjala e çdo inovacioni së fundmi dhe e çdo industrie. Samsung njihet si një nga pionerët e parë që hapi dyert drejt këtij universi të ri dhe këtij vit çdo pajisje e prezantuar erdhi si një dëshmi e përkushtimit të kompanisë ndaj inovacionit, duke ofruar produkte që jo vetëm ofrojnë përvoja të jashtëzakonshme ndërveprimi, por gjithashtu kontribuojnë në mënyrë domethënëse në stilin e jetës së konsumatorëve tanë. Në eventin Unbox & Discover, Samsung Electronics prezantoi një vështrim më të detajuar të linjës së televizorëve dhe soundbare-ve të vitit 2024. I njohur si marka nr. 1 e televizorëve për 18 vite rresht dhe gjashtë herë fitues i çmimit të inovacionit CES, Samsung prezanton Neo QLED 8K – mishërimin më të mirë të një teknologjie me nivel tjetër dhe përsosmërinë që e vendos Samsung në krye.
Më poshtë do të listojmë vetëm disa nga karakteristikat që e bëjnë këtë linjë unike dhe përvojën e të shikuarit aq të jashtëzakonshme sa të një ekrani kinemaje. Me këtë linjë Samsung po shtyn kufijtë e argëtimit në shtëpi duke integruar AI në mënyra që shkojnë përtej përvojave tradicionale të shikimit. Kryefjala e këtij viti është Rritja e shqisave me Neo QLED 8K: Qartësi, tingull dhe përvoja të zgjuara
Neo QLED 8K shënon një hap të rëndësishëm në teknologjinë e TV me AI dhe qëndron në vëndim e parë përsa i përket linjës më të fundit të televizorëve të Samsung, i pajisur me procesorin e avancuar NQ8 AI Gen3. Ky procesor i fuqishëm siguron një përvojë të jashtëzakonshme shikimi me detaje të qarta. Çdo skenë në Neo QLED 8K është një festë për sytë, falë teknologjisë së saj të fotografive të drejtuara nga AI. Ai nxjerr në pah detajet më të imta me qartësi dhe natyralitet të jashtëzakonshëm, nga shprehjet e fytyrës deri te nuancat më delikate. Disa nga karakteristikat e Inteligjencës Artificiale janë 8K AI Upscaling Pro, AI Motion Enhancer Pro, Real Depth Enhancer Pro etj. Ndryshe këto fjalë teknike përkthehen në detaje dhe qartësi figure që tejkalon televizorët konvencionalë 4K, veprime të shpejta , por më të butë dhe më të qarta, thellësi e gjallë fotografie e jo vetëm. Të gjitha këto veçori bashkohen për të ripërcaktuar përvojën e ekranit të madh, duke vendosur një standard të ri në zhytjen vizuale.
Neo QLED 8K jep gjithashtu audio precize të mundësuar nga teknologjia e tingullit AI. Active Voice Amplifier Pro i këtij viti tani shkëlqen në nxjerrjen e dialogut nga zhurma e sfondit, duke siguruar që çdo fjalë të dëgjohet qartë. Object Tracking Sound Pro pasuron gjithashtu përvojën audio duke sinkronizuar tingullin me veprimin në ekran, duke krijuar një përvojë shikimi më dinamike dhe tërheqëse. Adaptive Sound Pro përmirëson më tej përvojën audio duke rregulluar në mënyrë inteligjente audion me përmbajtjen dhe akustikën e dhomës, për një tingull vërtet të pasur dhe të gjallë. Neo QLED 8K gjithashtu krenohet me veçori të AI që kuptojnë dhe përshtaten me nevojat e përdoruesit. Gamersat do të kenë gjithashtu një përvojë të pametë falë modalitetit të lojës automatike AI, të personalizimit të AI etj. Ndërsa modaliteti i Energjisë AI kursen energji pa kompromentuar cilësinë e figurës. Këto veçori sigurojnë që Neo QLED 8K të jetë i lehtë, i personalizuar dhe efikas në energji për të gjitha nevojat argëtuese.
E nëse doni të lidhni telefonin tuaj me një nga televizorët e ekraneve të Samsung 2024 mund të afroni smartfonin tuaj pranë televizorit për të aktivizuar Smart Mobile Connect, i cili e kthen pajisjen në një telekomandë universale për televizorin dhe pajisjet e lidhura elektroshtëpiake.
Linja e gjerë për të gjitha nevojat e argëtimit: Neo QLED 4K, OLED dhe pajisje zanore
Samsung po prezanton gjithashtu OLED-in e parë në botë pa shkëlqim, duke eliminuar reflektimin e panevojshëm duke ruajtur të zeza të thella dhe imazhe të qarta në çdo kusht ndriçimi. Të mundësuar nga i njëjti procesor i mrekullueshëm NQ4 AI Gen2 si grupi Neo QLED 4K, televizorët OLED të Samsung mburren me veçori si Real Depth Enhancer dhe OLED HDR Pro, duke e çuar cilësinë e figurës në lartësi të reja.
Për më tepër, me veçori të tilla si Motion Xcelerator 144Hz që sigurojnë lëvizje të qetë dhe shpejtësi të përgjigjes, Samsung OLED është zgjedhja përfundimtare për lojëra. Të plotësuara nga dizajne të hijshme, këta televizorë OLED përmirësojnë hapësirën e shikimit. I disponueshëm në dy modele – S95D dhe S90D, duke filluar nga 48 në 83 inç, ka një përshtatje të përsosur për çdo shtëpi.
