Kur Google lançoi Nearby Share në vitin 2020, përdoruesit e Android ishin tepër të gëzuar pasi më në fund ato do të mund të përdornin një shërbim të ngjashëm me AirDrop që ofrohet në iPhone. Ky shërbim bën më të lehtë shpërndarjen e dokumenteve midis pajisjeve të ndryshme, pa patur nevojën për t’i ruajtur ato në Drive.
Tashmë, para zhvillimit të Google I/O, disa përdorues kanë vënë re një update të fshehur në Google Play Services që do të bëjë shpërndarjen e dokumentave përmes Nearby Share akoma më të thjeshtë. Modaliteti i ri “self-share”, i cili u vu re nga Mishaal Rahman, do të lejojë përdoruesit të dërgojnë dokumente midis pajisjeve të ndryshme që zotërojnë përmes një klikimi të vetëm.
This hasn’t rolled out yet from what I can see, but it’s present in the latest version of Google Play Services. pic.twitter.com/wdtxoiE2oz
— Mishaal Rahman (@MishaalRahman) April 19, 2022
Deri më tani, Google kërkonte që marrësi i dokumentave të të pranonte kërkesën. Në parim ky hap është i rëndësishëm për arsye sigurie, por është tepër i bezdisshëm nëse ju dëshironi të transferoni një dokument nga smartphone-i juaj në laptopin që ndodhet në dhomën tjetër. Nëse ju jeni të regjistruar në adresën tuaj në Google në pajisje të ndryshme, do të ishte më mirë që dërgimi i dokumenteve mes këtyre pajisjeve të ishte i menjëhershëm, në mënyrë të njejtë me shërbimin AirDrop të Apple.
Të dyja kompanitë e dinë shumë mirë se për të krijuar një ekosistem të mirë duhet të krijosh shërbime që lehtësojnë komunikimin mes pajisjeve të ndryshme, dhe po punojnë fort në këtë drejtim.