Standardi i ri USB4 2.0 u prezantua në fillim të shtatorit dhe prodhuesi japonez Elecom është përgatitur për të sjellë në treg për herë të parë kabllot që e mbështesin këtë standard.
Ata arrijnë deri në 80 Gbit/s në të dy drejtimet dhe mund të transmetojnë sinjale video në cilësinë 8K/60Hz nëpërmjet portës DisplayPort. USB4 dhe Thunderbolt 4 arrijnë të transmetojnë vetëm 40 Gbit/s dhe mbështesin një maksimum prej 4K/60Hz për transmetimin e videos.
Një përmirësim tjetër domethënës ka të bëjë me modalitetin e shpërndarjes së energjisë, i cili tani arrin deri në 240W, duke lejuar që të përdoren edhe pajisjet që kanë nevojë për më tepër energji, si laptopët gaming ose stacionet e fuqishme të punës.
Megjithatë, jo çdo kabllo USB4 2.0 nga Elecom do të jetë në gjendje të japë kaq shumë fuqi. Prodhuesi ka prezantuar një kabllo me 60 dhe 240 W. Kabllot USB4 2.0 të Elecom mendohet të lançohen në mes të dhjetorit 2024, por fillimisht do të jenë të disponueshme ekskluzivisht në Japoni.
Aktualisht nuk dihet se kur do të jenë të disponueshme në vende të tjera.
Aktualisht, asnjë motherboard në treg nuk ofron mbështetje të integruar për USB4 2.0. Nëse ende dëshironi të shfrytëzoni performancën e plotë të standardit të ri USB, do t’ju duhet të mbështeteni në një portë USB4 2.0, e cila duhet të instalohet në PC.
Standardi Thunderbolt 5 i Intel-it, i cili tashmë është i disponueshëm në pajisje të tilla si laptopi Razer Blade 18 ose SD5000T5 EQ nga Kensington, funksionon gjithashtu me 80 Gbit/s. Megjithatë, shpërndarja asimetrike e bandwidth mundëson deri në 120 Gbit/s për rastet intensive – ideale për transmetim 8K.
