Mira Murati nuk ishte gjithmonë e sigurt se chatbot-i i OpenAI, ChatGPT do të ishte kaq i pranishëm në jetën tonë të përditshme. Kur ajo iu bashkua firmës së inteligjencës artificiale në vitin 2018, aftësitë e AI ishin zgjeruar për të qenë të mira në lojërat strategjike, por shumë ndryshe nga modeli gjuhësor që përdoret në ditët e sotme.
“Në vitin 2019, ne kishim GPT3 dhe ishte hera e parë që sistemet AI tregonin një rezultat pozitiv në kuptimin e gjuhës. Para kësaj, ne nuk mendonim se ishte vërtet e mundur që sistemet e AI do ta kuptonin këtë gjuhë,” tha Murati, tani shefe e teknologjisë në OpenAI. “Shkalla e përparimit teknologjik ka qenë tepër e madhe.”
Dhe me sa duket ky përparim do të vazhdojë me hapa të shpejtë. Murati tregoi gjithashtu atë që pret të ndodhë me ChatGPT ndërkohë që teknologjia avancon.
“Së shpejti mund të jeni në gjendje të ndërveproni me ChatGPT pa pasur nevojë të shkruani asgjë,” tha Murati. “Ky është me të vërtetë qëllimi – të ndërveprosh me këto sisteme të AI në një mënyrë që është në të vërtetë e natyrshme, njësoj si të bashkëpunonit me dike tjetër. Mund të flisni me tekst dhe thjesht të shkëmbeni mesazhe … ose unë mund të tregoja një imazh dhe të thosha, ‘Hej, shiko, i mora të gjitha këto karta biznesi, kur isha në këto takime. Mund t’i vendosni ato në listën time të kontakteve?‘”
AI do të mendojë në nivele më të thella
Në versionin e tij aktual, chatbot-et e AI janë të mirë në bashkëpunimin me njerëzit dhe për t’iu përgjigjur kërkesave tona. Qëllimi, thotë Murati, është që robotët të mendojnë vetë. “Dhe kështu që në të vërtetë ne po shkojmë drejt këtyre sistemeve që përfundimisht do të jenë në gjendje të na ndihmojnë me probleme jashtëzakonisht të vështira. Jo vetëm të bashkëpunojë përkrah nesh, por të bëjë gjëra që sot nuk jemi në gjendje t’i bëjmë fare.”
Murati pranoi se zhvillimi i teknologjisë AI ka të ngjarë të ndryshojë mënyrën se si njerëzit mësojnë dhe punojnë – një ndryshim që do të vijë plot me rreziqe dhe mundësi të reja.
