Microsoft nuk dëshiron që rivalët e kompanisë të përdorin motorin e kërkimit Bing për të fuqizuar AI chatbots. Prandaj, Microsoft i ka treguar dy motorëve të kërkimit që shfrytëzojnë rezultatet e kërkimit në Bing se nuk do të lejojë që ato të aksesojnë të dhënat e gjeneruara nga kompania nëse ato vazhdojnë të përdorin Bing me produktet e tyre të inteligjencës artificiale.
Siç tregohet nga Bloomberg, Microsoft ia ka shitur të drejtat e përdorimit të të dhënave që gjenden në Bing browser-ave si DuckDuckGo, Yahoo dhe You.com. Këto browsers marrin disa nga rezultatet e kërkimit nga Bing për të kursyer kohë dhe resurse, mirëpo Microsoft ka vendosur një kufi në përdorimin e kësaj taktike për sa i përket inteligjencës artificiale.
Micorsoft beson se përdorimi i rezultateve të kërkimit për të fuqizuar AI chatbots rivalë është një shkelje e kontratave të nënshkruara, dhe mund të vendosë që të ndërpresë këto kontrata në rastin e keqpërdorimit të informacioneve.
Dhe pse ende nuk dihet se kush janë 2 motorët e kërkimit të përmendur nga Bloomberg, DuckDuckGo dhe You.com kanë lançuar shërbimet e tyre AI. DuckAssist ndihmon në përmbledhjen e informacioneve të ndryshme në web, ndërkohë që You.com ofron një shërbim chat të fuqizuar nga AI i cili gjeneron përgjigje në bazë të pyetjeve të përdoruesve.
“Ne kemi kontaktuar me kompanitë përkatëse ndërkohë që sigurohemi që termat e kontratës të respektohen.” tregon Microsoft.