Microsoft prezanton qendrën më të fuqishme të të dhënave për AI

Microsoft ka njoftuar se në fillim të vitit 2026 do të vërë në punë “qendrën më të fuqishme” të inteligjencës artificiale në botë, një kompleks gjigant në Mount Pleasant, Wisconsin, të quajtur Fairwater.

Kjo qendër të dhënash është projektuar posaçërisht për trajnimin dhe funksionimin e modeleve të mëdha AI dhe do të shtrihet në një sipërfaqe prej 127 hektarësh, me tre godina. Brenda tyre do të vendosen “qindra mijëra” GPU Nvidia GB200 dhe GB300, të lidhura me fibra optike që, sipas CEO-së Satya Nadella, do të mjaftonin për të rrethuar Tokën 4.5 herë. Ai premtoi se performanca do të jetë dhjetëfish më e lartëse superkompjuteri më i shpejtë aktual.

Microsoft nuk ka dhënë detaje për numrin e saktë të GPU-ve apo konsumin e energjisë, por thekson se Fairwater do të përdorë një sistem inovativ ftohjeje me ujë të mbyllur, që furnizohet vetëm një herë gjatë ndërtimit dhe nuk krijon mbetje uji. Uji i nxehtë do të kalojë në panele ftohëse anësore dhe do të ftohet nga 172 ventilatorë 6 metra të gjatë për t’u rikthyer sërish në qarkullim. Rreth 10% e serverëve do të ftohen me ajër të jashtëm, duke kaluar në ujë vetëm në ditët më të nxehta.

If intelligence is the log of compute… it starts with a lot of compute! And that’s why we’re scaling our GPU fleet faster than anyone else.

Just last year, we added over 2 gigawatts of new capacity – roughly the output of 2 nuclear power plants.

And today we’re going further,… pic.twitter.com/cZJ3pdN1rX

— Satya Nadella (@satyanadella) September 18, 2025

Në një postim tjetër, presidenti Brad Smith siguroi se projekti po planifikohet për të shmangur rritjen e kostove të energjisë për komunitetin përreth. Ndërtimi i Fairwater përfshin përmasa kolosale: 12.2 milionë kg çelik strukturor, 200 km kabllo nën tension mesatar dhe 116 km tubacione mekanike. Vetëm sistemet e ruajtjes zënë një sipërfaqe sa pesë fusha futbolli.

Sipas Scott Guthrie, disa qendra identike Fairwater janë tashmë në ndërtim edhe në shtete të tjera të SHBA-së, duke sinjalizuar një zgjerim të madh të kapaciteteve të Microsoft për inteligjencën artificiale.