Meta ka pranuar për të paguar $725 milionë për të mbyllur betejën ligjore që konsiston në publikimin e të dhënave të lidhura me konsulencën politike Cambridge Analytica. Në këtë betejë ligjore rrjeti social Facebook akuzohej se kishte lejuar palët e treta, duke përfshirë këtu dhe kompaninë britanike, të aksesonte të dhënat personale të përdoruesve.
Kjo është shuma më e madhe e paguar ndonjëherë për mbylljen e çështjeve mbi privatësinë e të dhënave. Meta, e cila nuk e pranoi se kishte gabuar, tha se kishte “rinovuar” sigurinë e të dhënave në platformë gjatë 3 viteve të fundit.
Përmes një deklarate për shtyp, kompania tha se kjo marrëveshje “ishte në interesin më të mirë të komunitetit tonë dhe aksionerëve”.
“Ne po vazhdojmë përpara duke ndëtuar shërbime që njerëzit i pëlqejnë duke vendosur besimin dhe privatësinë në krye të tyre.” shprehet zëdhënësi i Facebook. James Ball tha për BBC se nuk është çudi që Facebook pranoi të paguante një shumë të tillë për mbylljen e çështjes pasi “ato nuk janë shumë para për komapaninë.”
“Kjo sasi parash është sa 1/10 e parave të shpenzuara për krijimin e metaverse gjatë vitit të fundit.” tha ai. Në këtë shpërndarje të të dhënave besohet se përfshihen rreth 250-280 milionë përdorues nga SHBA gjatë periudhës nga 24 maji i 2007 deri në 22 dhjetor 2022.
