Arritja në hapësirë është disi e vështirë, dhe një nga arsyet kryesore të vështirësisë është gjenerimi i energjisë së mjaftueshme për t’u larguar nga graviteti i Tokës.
Një startup i ri ka ardhur me një ide për zgjidhjen e këtij problemi. Ato mendojnë se duke përdorur një dhomë gjigande vakumi dhe duke rrotulluar një pajisje hipersonike mund të lançojnë satelitët drejt orbitës. SpinLaunch sapo ka kompletuar nisjen testuese duke dërguar një pajisje lart deri në atmosferë.
Çelësi i vizionit të SpinLaunch qëndron në të ashtuquajturën Orbital Accelerator, një centrifugë masive që mund të akselerojë një pajisje të vogël në mijëra km/h. Kompania arrin të kapë këto shpejtësi të larta duke përdorur centrifugën brenda një dhome me vakum për të ulur fërkimin.
Kur lançuesi hipersonik arrin shpejtësinë e kërkuar, ai shkëputet nga pajisja brenda një milisekondi dhe dërgon rrymën drejt një tubi si oxhak. Nëse gjithçka shkon sipas planit, ky sistem mund të dërgojë rreth 200 kg në hapësirë, dhe e gjitha kjo mund të kryhet përmes energjisë elektrike.
Problemi i vetëm është se kjo pajisje nuk ekziston ende. SpinLaunch ka krijuar një version më të vogël të saj për ta testuar, i cili është i lartë 50 metra, dhe ka përfunduar testimin e parë me sukses, duke e dërguar një pajisje dhjetëra mijëra metra në ajër. Gjithsesi ky është një fillim i mirë.