Kanë kaluar më shumë se tre vjet që kur Samsung lançoi për herë të fundit një pajisje inteligjente për fitness. Tani, jemi shumë të sigurt se produkt një i ri do të vijë së shpejti dhe do të quhet Samsung Galaxy Fit 3. Falë një listimi në databazën Bluetooth SIG, tani kemi parë përdorimin zyrtar të emrit Galaxy Fit 3.
Ne gjithashtu mund të konfirmojmë disa gjëra të tjera në lidhje me këtë pajisje, siç është numri i modelit të tij (SM-R390) dhe se ai do të vijë me suport për Bluetooth 5.3. Këto dy aspekte të gjurmuesit u përfolën dhe më herët, por tani i dimë me siguri.
Meqenëse baza e të dhënave Bluetooth SIG ka të bëjë kryesisht me lidhjen Bluetooth (natyrisht), nuk ka shumë të dhëna të tjera që mund të zbulojmë nga aty. Sidoqoftë, listat e SIG pothuajse gjithmonë publikohen shumë pranë kohës së lançimit. Prandaj, është shumë e arsyeshme të supozohet se Galaxy Fit 3 do të dalë në treg në javët ose muajt e ardhshëm.
Duke pasur parasysh se lançimi i serisë Samsung Galaxy S24 është vetëm pak më shumë se një muaj larg, është e mundur që ne mund të shohim aty dhe lançimin e Samsung Galaxy Fit 3 së bashku me telefonat e rinj flagship. Megjithatë, është gjithashtu e mundur që Samsung ta rezervojë atë lançim ekskluzivisht për telefonat dhe të prezantojë Fit 3 me një njoftim të thjeshtë për shtyp, para ose pas eventit. Koha do të tregojë për këtë.
Ne kemi parë tashmë disa renders të Galaxy Fit 3. Ato sugjerojnë se pajisja do të ketë një ekran AMOLED shumë më të madh se ata që pamë në Fit 2 dhe Galaxy Fit origjinal.
