STAT Health ka prezantuar një pajisje të vogël teknologjike që vendoset në vesh për të kontrolluar qarkullimin e gjakut në trurin tuaj. Kompania tregon se kjo është pajisja më e vogël në botë që mund të masë ndryshimet në trupin tuaj pa patur nevojë për t’u karikuar.
Kjo pajisje është në gjendje të zbulojë simptomat si marrjamendja, dhimbja e kokës, lodhja madje mundet dhe t’ju paralajmërojë disa minuta para se të humbni ndjenjat.
Gjithashtu pajisja mundet të përdoret dhe për të monitoruar sëmundje të ndryshme si përshembull COVID-19, sindromin postural ortostatik të takikardisë apo sindromi i lodhjes kronike (encefalomieliti mialgjik). Të gjitha këto janë të mundura falë akselerometrit si dhe sensorëve të presionit dhe të temperaturës të cilat masin rrahjet e zemrës, presionin dhe qarkullimin e gjakut.
Nuk keni pse të shqetësoheni aspak për karikimin e kësaj pajisje, pasi ajo përmban një panel të vogël diellor që rrit kohën e përdorimit, ndërkohë që vetë bateria mund të zgjasë për 3-4 ditë pa karikim diellor.
Ajo mund të përdoret 24/7, është rezistente ndaj ujit dhe mund të përdoret dhe kur ju bëni një dush apo kryeni aktivitete fizike, si dhe nuk ju pengon aspak të vendosni kufje në vesh.
STAT Health tregon se pajisja do të jetë e gatshme për t’u porositur gjatë vjeshtës së këtij viti dhe do të shoqërohen me një abonim mujor prej $50.
