Mjekët kinezë ishin në gjendje të kryenin një operacion në distancë te lepujt nga mbi 585 kilometra larg duke përdorur një robot 5G. Lepujt ishin të pranishëm në Universitetin Sun Yat-sen në Guangzhou, ndërsa ekipi kirurgjik i operoi nëpërmjet një roboti 5G nga Spitali i Syve Hainan në Qendrën Okulistike Zhongshan.
Roboti 5G u zhvillua nga një ekip mjekësh dhe shkencëtarësh. Operacionet u zhvilluan më 23 qershor dhe pas një muaji operacion, universiteti raportoi se të 12 lepujt janë në gjendje të qëndrueshme, sipas China Daily. Ekipi i mjekëve ka kryer edhe më parë operacione të ngjashme në minj, derra dhe kafshë të tjera.
Oftalmologjia është një fushë e ndërlikuar për operacionet robotike sepse përfshin një nivel jashtëzakonisht të lartë saktësie. Kërkohen mikroskopë të specializuar dhe sisteme vizualizimi, të cilat mund të përbëjnë një sfidë për përshtatjen e robotikës në kirurgjinë okulare. Por mjekët në Kinë besojnë se operacioni robotik i syve do të jetë i disponueshëm për njerëzit në vend deri në fund të këtij viti ose në fillim të vitit 2024.
Huang Kai, një profesor në Universitetin Sun Yat-sen, beson se robotët 5G janë të qëndrueshëm dhe të saktë duke pasur parasysh suksesin e operacioneve të lepurit. Ekipi i tij po punon në zhvillimin e robotëve 5G për të ndihmuar në operacionet e ardhshme.
Operacionet në distancë ose telekirurgjitë nuk janë të rralla. Operacioni i parë i tillë u krye në vitin 2001 kur kirurgët ulur (ose në këmbë) në Neë York City hoqën fshikëzën e tëmthit të një pacienti në Francë. Ata përdorën një sistem robotik të telekomanduar dhe operacioni shpejt fitoi emrin e operacionit Lindbergh, i quajtur sipas kirurgut kryesor. Ka pasur raste të tjera të operacioneve në distancë që janë kryer mbi 400 kilometra larg.
