Qualcomm po përgatitet të prezantojë çipin e saj më të ri të gjeneratës së ardhshme, Snapdragon 8 Elite 2, që pritet të zbulohet në fund të shtatorit 2025. Ky procesor do të pasojë Snapdragon 8 Elite, i cili debutoi në tetor 2023. Prezantimi i çipit të ri do të ndodhë në një moment strategjik, përpara prezantimit të iPhone 17 nga Apple, në përpjekje për të konkurruar drejtpërdrejt në tregun e telefonave inteligjentë.
Xiaomi pritet të jetë ndër prodhuesit e parë që do ta përfshijë Snapdragon 8 Elite 2 në telefonat e saj, konkretisht në modelet Xiaomi 16 dhe 16 Pro. Ky çip do të përdoret edhe nga markat e tjera të njohura Android si Samsung, OnePlus, vivo, iQOO, Realme, Redmi dhe Oppo, me pajisjet e para që priten të dalin në treg nga fundi i vitit 2025 deri në fillim të vitit 2026.
Snapdragon 8 Elite 2 sjell përmirësime të rëndësishme krahasuar me paraardhësin e tij. CPU-ja e re do të arrijë shpejtësi deri në 4.4 GHz dhe do të përdorë një arkitekturë të gjeneratës së dytë, e cila premton efikasitet dhe performancë të rritur. Një tjetër risi është rritja e memories GPU nga 12MB në 16MB, e cila do të përmirësojë ndjeshëm aftësitë grafike dhe lojërat deri në 30%.
Çipi do të prodhohet me teknologjinë 3nm të gjeneratës së tretë të TSMC, duke sjellë efikasitet më të mirë energjetik, me deri në 4% më shumë performancë dhe 9% më pak konsum energjie. Gjithashtu, do të përfshijë edhe setin SME për përmirësim të performancës grafike dhe multimediale, duke e bërë të përshtatshëm për lojëra dhe krijim përmbajtjes.
