Aplikacioni NordPass që mundëson menaxhimin e fjalëkalimeve ka publikuar edhe një herë listën e tij vjetore të fjalëkalimeve më të përdorura në botë – dhe mungesa e kreativitetit është pak dëshpëruese.
Për të dytin vit radhazi, “123456” është kurorëzuar si fjalëkalimi më i zakonshëm. Të njëjtët numra kryesuan grafikun pesë nga gjashtë herë që NordPass ka publikuar këto lista. Por sapo të kaloni të gjitha QWERTY-të, ABC-të dhe 123-të, ne marrim një pasqyrë të vogël të mendjes së njerëzve kur krijojnë një tekst që mbron informacionin e tyre më personal.
Ka nga ata që zgjedhin “iloveyou” dhe nga ata që zgjedhin “fuckyou“. Të tjerët kanë interesa të dallueshme, si “pokemon“, “naruto“, “samsung” dhe “minecraft“. Shumë të tjerë janë thjesht emra, si “michelle” ose “ashley”, por të paktën disa njerëz bëjnë një përpjekje për të krijuar një “P@ssë0rd” të sigurt (mjafton më pak se një sekondë për ta thyer këtë fjalëkalim) .
Fjalëkalimet ndryshojnë gjithashtu dhe në bazë të shteteve. Lista e Mbretërisë së Bashkuar, për shembull, ka fjalëkalimin “liverpool” shumë të përdorur, ndërsa ajo e Australisë ka “lizottes” (një restorant dhe vend i muzikës live që tani me sa duket quhet Flamingos Live).
Vende të tjera, si Finlanda dhe Hungaria, kanë “salasana” dhe “jelszo” në krye të listave të tyre – të dyja përkthehen në “fjalëkalim“. Për të krijuar listën e tij, NordPass tha se përdori një bazë të dhënash 2.5 TB të “burimeve të disponueshme publikisht”, disa prej të cilave u gjetën në dark web.
Shumë prej këtyre fjalëkalimeve kërkojnë milisekonda për t’u thyer nga një haker, kështu që nëse fjalëkalimi juaj është në këtë listë, ju ndoshta duhet ta ndryshoni atë në diçka pak më kreative sesa “sekret”. Ose ndoshta provoni dhe passkeys.
Këto janë 10 fjalëkalimet më të përdorura në botë:
- 123456
- 123456789
- 12345678
- password
- qwerty123
- qwerty1
- 111111
- 12345
- secret
- 123123
