Para nisjes së IFA 2024, ekspozitës më të madhe të teknologjisë së konsumatorit në Berlin të Gjermanisë, ku Geek Room do të jetë i pranishëm për t’ju informuar me të rejat më të fundit nga bota e teknoogjisë, Qualcomm prezantoi një variant të ri me 8 bërthama të çipit të tij Snapdragon X Elite Plus.
Falëkëtij produkti të ri, kostoja bazë e kompjuterëve të nivelit fillestar Copilot+ është ulur nga $999 në $700. Sipas Qualcomm, Snapdragon X Plus i ri me tetë bërthama ende ofron të njëjtën performancë të AI (45 TOPs) si varianti me 10 bërthama dhe ka të integruar një CPU me tetë bërthama të ndërtuar mbi arkitekturën Oryon një efikasitet energjie sa më të mirë, performancë dhe jetëgjatësi të baterisë gjatë gjithë ditës.
Një nga laptopët e parë që përmban Snapdragon X Elite me tetë bërthama do të vijë nga Acer, Asus, Dell, HP, Lenovo dhe Samsung dhe do të jetë i disponueshëm duke filluar nga sot.
“Me Snapdragon X Plus me 8 bërthamash, ne tani po u sjellim më shumë përdoruesve këto përvoja transformuese të inteligjencës artificiale dhe performancën më të mirë në klasë dhe jetëgjatësinë e paparë të baterisë të CPU-së sonë me porosi Qualcomm Oryon me efikasitet energjie.” tha Cristiano Amon, president dhe CEO , Qualcomm Incorporated.
Qualcomm pretendon se Snapdragon X Plus me 8 bërthama (X1P-46-100) ofron performancë 61% më të shpejtë të CPU-së me fuqi më të ulët krahasuar me Intel Core Ultra 7 155U me CPU-në e saj 12 bërthamore, ndërsa GPU Adreno mund të përballojë në monitorët e jashtëm 4K me një ritëm rifreskimi 60 Hz. Qualcomm pohoi gjithashtu se ky çip tejkalon MacBook Air M2 në performancën e CPU, AI dhe rrjetin pa tel.
