VivaTech 2022 nuk shërben vetëm si një event për prezantimin e teknologjive të reja, por një tjetër funksion i saj është mbledhja e talentëve nga e gjithë bota të cilët shfrytëzojnë mundësitë e dhëna për të zhvilluar startup-in e tyre.
Dhe një ndër kompanitë më të rëndësishme që kontribuon në prezantimin e ideve më novatore nga të rinjtë e sotëm është Huawei, përmes Huawei Challenges. Duke vlerësuar rëndësinë e zgjidhjes, inovacionin, pjekurinë, impaktin dhe realizueshmërinë, Huawei ka përzgjedhur startup-et më të mira të cilat do të kenë mundësinë të jenë të pranishëm në pavionin e kompanisë gjatë VivaTech 2022.
Temat kryesore ku startup-et e përzgjedhura janë fokusuar në:
Sfida e fuqisë dixhitale: Zero karbon me dixhitalizimin e energjisë
Kjo sfidë është e fokusuar në startup-et që favorizojnë dekarbonimin dhe qëndrueshmërinë, me interes kryesor në startup-et në industrinë diellore. Këto inovacione do të ndihmojnë në uljen e kostos së niveluar të energjisë.
Sfida AR/VR: Teknologji e re AR/VR për ndërveprimin më të thellë human/dixhital
Sfida ka si qëllim sigurimin e zgjidhjeve teknike për të tejkaluar kufizimet e pajisjeve të përdorura për vizualizimin e botës AR/VR dhe avancimin natyral të ndërveprimit me botën dixhitale.
Sfida e shëndetit: Zgjidhje dixhitale për shëndet më të mirë
Terapia dixhitale po zhvillohet dita ditës, duke mundësuar një audiencë më të gjërë për të zhvilluar teknologji të re për të parandaluar, zbuluar, menaxhuar dhe trajtuar sëmundjet duke përdorur mbështetjen dixhitale.
Sfida e aplikacionit për mobile: Krijimi i eksperiencave të reja për mobile
Në këtë sfidë kërkohet nga startup-et që të krijojnë aplikacione për mobile që sjellin teknologji inovative si: editimi i medias, E-commerce, rrjetet sociale apo dhe edukimi.
Sfida e 5G: Mundësimi i industrive më efiçiente me 5G
Për sa kohë kërkesa për modulet industrial loë-cost të rrjetit 5G do të rritet, Huawei kërkoi për startup-e që do të gjenin zgjidhjen për të reduktuar kostot dhe për të arritur kërkesat industrial pa reduktuar aftësitë e 5G.
Cilët janë startup-et më premtuese?
Geek Room do të jetë i pranishëm në VivaTech 2022 dhe do të takohet me disa prej tyre për të zbuluar më tepër informacione.
