GoPro prezanton Hero 10 Black që regjistron video 5.3K në 60fps

GoPro ka prezantuar versionin e rradhës së produktit të saj, Hero 10 Black, e cila është e pajisur me një proçesor të ri GP2 që bën të mundur regjistrimin në frame rates më të larta.

Ky proçesor ka ndihmuar gjithashtu në përmirësimin e stabilizimit dhe ofrimin e një eksperience superiore në krahasim me produktet e gjeneratave të kaluara. Në shumicën e rasteve, Hero 10 mund të regjistrojë video 5.3K në 60fps, 4K 120fps dhe 2.7K 240fps.

Vendimi i kompanisë për të përdorur proçesorë të dizenjuar vetë është shumë i zgjuar, për sa kohë që rezultatet shihen qartë në performancën e pajisjes. GP2 vjen si një zëvëndësues i proçesorit GP1 që është përdorur në pajisje që nga Hero 6 Black.

Shërbimi më i ngjashëm me smartphone-t që ofrohet në këtë pajisje është padyshim aftësia e kameras për të upload-uar video në cloud ndërkohë që karikohet. Mirëpo që të përdorni këtë shërbim, duhet të abonoheni në planin $5 në muaj të GoPro. Nëse ju vendosni ta bëni këtë abonim, përfitoni $100 ulje kur blini kameran, duke e çuar çmimin nga $499 në $399, bashkë me aksesin në programin e zëvëndësimit të kamerave të dëmtuara.