Google po shton përpjekjet e saj për t’i larguar përdoruesit nga fjalëkalimet drejt passkeys, një teknologji më e sigurt.
Kompania njoftoi të martën se passkeys do të jenë opsioni i përzgjedhur për verifikimin në të gjithë llogaritë e Google. Kjo do të thotë që herën tjetër që përdoruesit të hyjnë në Gmail, YouTube ose shërbim tjetër të drejtuar nga Google, ata do të shohin një kërkesë për të krijuar dhe përdorur një passkey në vend të një fjalëkalimi. Dhe pse Google dëshiron që ku të përdorni passkeys, përdoruesit që preferojnë të vazhdojnë të përdorin fjalëkalime do ta kenë atë opsion.
Passkeys janë duke u cilësuar si një zëvendësim i duhur për fjalëkalimet. Duke përdorur gjurmën e gishtit, një skanim të fytyrës ose kodin PIN të kyçjes së ekranit, ju regjistroheni automatikisht në një aplikacion ose website (pasi të miratoni kërkesën). Në thelb, Google është duke përdorur pajisjen tuaj për të provuar se jeni vërtet ju.
Ata funksionojnë duke gjeneruar 2 çelësa- një publik, i cili ruhet në cloud dhe një privat, i cili ruhet në pajisje. Nëse një server është i rrezikuar, llogaritë janë ende të mbrojtura, pasi hakeri nuk do t’i ketë të dy grupet e çelësave.
Përkrahësit e teknologjisë thonë se është një opsion shumë më i sigurt, pasi shumë njerëz zgjedhin fjalëkalime të thjeshta ose përdorin të njëjtat në websites të ndryshme. Dhe akoma më pak përdorin tëo-factor authentication.
“Kemi zbuluar se një nga përfitimet më të menjëhershme të passkeys është se ata u kursejnë njerëzve dhimbjen e kokës për të kujtuar të gjithë ata numra dhe karaktere të veçanta në fjalëkalime”, shkroi Google në një postim në blog. “Ata janë gjithashtu rezistente ndaj phishing.”
Google fillimisht filloi të mbështesë passkeys në maj, por ky përshkallëzimi i mbështetjes së teknologjisë është një shtyllë që kompania thotë se shpreson t’i bëjë “fjalëkalimet një gjë të rrallë dhe përfundimisht të vjetëruar“. Google nuk është e vetmja kompani që kërkon një lëvizje drejt këtij opsioni. Microsoft, Uber dhe Ebay e kanë mundësuar gjithashtu teknologjinë. Dhe Apple, në qershor, tha se passkeys do të mbështeteshin me prezantimin e iOS 17, iPadOS 17 dhe macOS Sonoma.
