Nëse jeni përdorues i Google Chrome, (dhe duke pasur parasysh se është browser-i më i përdorur në botë deri tani, ka shumë shanse që të jeni që të jeni) mund të vëreni se gjërat do të duken pak më ndryshe kur aktivizoni browser-in tuaj gjatë javëve të ardhshme. Për të festuar ditëlindjen e 15-të të Chrome, Google po bën disa ndryshime në pamjen e përgjithshme të tij. Kompania njoftoi përmes një postimi në blog sot se versioni desktop i këtij browser-i po merr një pamje të re bazuar në gjuhën e dizajnit Material You.
Kjo pamje e re, që do të vijë në javët e ardhshme, do të sjellë ikona të rifreskuara, me një “fokus në lexueshmëri” dhe “paleta të reja ngjyrash që plotësojnë më mirë skedat dhe shiritin tuaj të shërbimeve“. Këto tema të reja, thotë Google, duhet ta bëjnë të lehtë dallimin midis profileve, të themi për punën tuaj dhe llogarinë personale.
Gjithashtu do të vijnë disa përmirësime, shkroi kompania, që do ta bëjnë Chrome më të lehtë për t’u përdorur — si një menu më gjithëpërfshirëse për qasje më të shpejtë në Google Password Manager, extensions në Chrome, Google Translate dhe më shumë. Paneli anësor në browser është tani shtëpia e të gjithë bookmarks së bashku me një shërbim “Search this page with Google”.
Gjithashtu do të përmirësohet integrimi me sistemet operative, në mënyrë që preferencat e Chrome të mund të përshtaten me modalitetet e ndriçuara ose të errëta në kompjuterin tuaj. Jo shumë po ndryshon me paraqitjen aktuale, por do të vini re disa skaje më të rrumbullakosura dhe skeda më të larta.
Google njoftoi gjithashtu përmirësime në sigurinë e broëser-it. Më parë, veçoria “Safe Browsing” i mbante përdoruesit të sigurt duke kontrolluar një website kundrejt një liste të vendeve të rrezikshme të ruajtura në vend. Kjo listë përditësohej çdo 30 minuta deri në një orë më parë, por tani është përditësuar në kohë reale. Duke pasur parasysh se 60% e faqeve të phishing ekzistojnë për më pak se 10 minuta, thotë Google, ky është një përditësim kritik.
