DJI duket se po përgatitet të prezantojë disa produkte të reja, përfshirë tre dronë dhe një action camera, sipas rrjedhjeve të publikuara nga DroneXL. Dronët e rinj pritet të jenë Mini 5 Pro, Avata 3 dhe Neo 2.
Pamjet e rrjedhura tregojnë se Avata 3 ka ndryshime të dukshme në dizajn: bateria është vendosur më prapa, ka një kamerë më të madhe në pjesën e përparme, dhe përdor helika me katër fletë në vend të versionit me tre të Avata 2. Pranë tij shihet një prototip i mundshëm i Neo 2, i cili duket se ka mbrojtëse të riprojektuara për helikat.
Mini 5 Pro pritet të sjellë përmirësime të mëdha krahasuar me Mini 4 Pro. Një dokument i FCC zbulon se do të ketë një bateri prej 33.5Wh — pothuajse dyfish më e madhe se ajo e modelit pararendës. Gjithashtu, ka zëra që do të ketë autonomi transmetimi video deri në 25 kilometra, 5 km më shumë se Mini 4 Pro, duke e afruar me DJI Mavic 4 Pro. Mini 5 Pro pritet të dalë në shitje në shtator.
DroneXL ka zbuluar edhe një dokument tjetër FCC për një kamerë të re aksion të veshshme, të quajtur DJI Osmo Nano, e cila duket se ka një ekran modular, ngjashëm me linjën Osmo Action. Gjithashtu, kompania mund të lëshojë edhe Mic 3 dhe Osmo 360, megjithëse detajet dhe datat mbeten të panjohura.
Këto rrjedhje sugjerojnë një seri të re produktesh interesante nga DJI në muajt në vijim.
