Alphabet ka vendosur të paralajmërojë punonjësit e saj në lidhje me mënyrën e përdorimit të chatbots, duke përfshirë këtu dhe Bard AI të krijuar nga vetë ata, në të njejtën kohë kur po e reklamon përdorimin e inteligjencës artificiale.
Kompania mëmë e Google ka këshilluar punonjësit që të mos i japin këtyre chatbots asnjë material konfidencial, duke cituar kështu politikat e ruajtjes së informacionit. Megjithatë në raste të dyshimta ka punonjës që bëjnë revieë materiale të caktuara të shkruajtura në chatbots, të cilët nëse shikojnë një material konfidencial mund ta bëjnë leak atë.
Gjithashtu Alphabet kërkoi nga inxhinierët e saj që të mos përdorin në mënyrë direkte kodin e gjeneruar nga AI. Këto shqetësime tregojnë se si Google po përpiqet të ruajë dhe të rrisë njëkohësisht biznesin e tyre në nivelin e ChatGPT.
Shumë kompani të tjera kanë paralajmëruar punonjësit e tyre në lidhje me rrezikun e shpërndarjes së informacioneve konfidenciale me chatbots, si përshembull Samsung, Amazon, Apple apo dhe Deutsche Bank.
Përmes një studimi të bërë në kompanitë kryesore në SHBA, ku morën pjesë 12,000 persona, u zbulua se 43% e profesionistëve e përdornin ChatGPT apo mjete të tjera AI në mënyrë të fshehtë pa iu treguar menaxherëve të tyre.
