LG si zakonisht është përfshirë denjësisht në CES 2024, kësaj here duke prezantuar Signature OLED T, televizori i ri OLED i kompanisë, që është pothuajse plotësisht transparent.
Dhe nuk është thjesht një prototip; besohet se TV i shfaqur në këtë event është shumë pranë produktit përfundimtar që klientët do të mund ta blejnë gjatë vitit 2024. LG Signature OLED T ka një ekran 77 inç që në thelb përbëhet nga dy pjesë kryesore: vetë paneli i ekranit transparent dhe një filtër kontrasti pas tij, i cili mund të ulet ose ngrihet për ta kthyer Signature OLED T në një televizor “të rregullt“.
Përveçse duket shumë i lezetshëm kur është në modalitetin transparent, ky televizor ofron disa avantazhe që nuk vijnë në televizorët e zakonshëm. Për shembull, ajo nuk ju prish aspak dekorin e dhomës tuaj dhe pothuajse të bëhet një skulpturë e gjallë që është interesante për t’u parë edhe kur nuk jeni duke parë në mënyrë aktive përmbajtje.
Televizori vjen gjithashtu me një sërë shërbimesh që janë optimizuar për ekranin transparent. Widgets mund të qëndrojnë në pjesën e poshtme të ekranit, një ide e huazuar nga televizori i rrotullueshëm i kompanisë. Gjithashtu Signature OLED T është i pajisur me një ndërfaqje të veçantë të webOS që ndryshon nga versioni standard në TV e tjerë.
Për sa i përket çmimit të kësaj pajisje, nuk ka ende një informacion zyrtar nga kompania, por që me shumë mundësi do të jetë një produkt “luksoz”.
