Më 19 shtator 2025, në ambientet e Piramidës së Tiranës, do të zhvillohet konferenca BSides Tirana 2025, një nga ngjarjet më të pritura të komunitetit të sigurisë kibernetike në Shqipëri . Organizuar sipas modelit BSides, eventi ofron hapësirë për prezantime, workshops dhe rrjetëzim në një atmosferë bashkëpunuese dhe inovative. Në daten 18 shtator do të organizohet një trajnim teknik, ku si trajnues do të jetë Sina Kheirkhah (@SinSinology) fituesi i kompeticionit Pwn2Own ne Tokyo, eventi më i rëndësishëm në botë për fushën e exploitation në sigurinë kibernetike.
Konferenca kryesore do të nisë me fjalimin hapës të ndjekur nga një sërë fjalimesh të fuqishme kryesore dhe seanca tematike. Valentina Palmiotti do të mbajë fjalimin kryesor, ndërsa folës të tjerë të dalluar do të trajtojnë çështje aktuale dhe trending në fushën e sigurisë kibernetike.
Temat që do të përfshihen në prezantime përfshijnë:
- “You, But Not You? How Your Digital Identity Becomes a Fraudster’s Mask” nga Andrey Parshin, që trajton rreziqet e identitetit digjital të shfletuesit dhe sfidat e mbrojtjes së këtij identiteti.
- “Hijacking AI Agents with ChatML Role Injection” nga Robert Shala dhe Armend Gashi, mbi dobësitë e sistemit ChatML dhe teknikave për abuzimin e roleve në modelin e AI-së.
- “Using Predictive Insights and Red Team Tactics to Fortify Defenses” nga Adi Dibra, një qasje e kombinuar red teaming dhe analiza parashikuese për përmirësimin e mbrojtjes.
- “Cloud IR: A Rapid Guide for AWS, Azure & GCP” nga Erblind Morina, një udhëzues praktik për reagimin ndaj problematikave në cloud në platformat kryesore.
- “Compromising backups for fun and profit” nga Phil Keeble, ku do të eksplorohen dobësitë e sistemëve të backup-it si Veeam dhe Rubrik.
Gjithashtu, do të trajtohen fusha si siguria në automjete, red teaming në aviacion civil, lufta kundër ransomware-it, përdorimi i parimeve OWASP për ML/LLM përmes një analize mbi HAL 9000, si dhe mbrojtja nga sulmet BEC dhe dobësitë në Active Directory — të gjitha këto nga folës të njohur si Ertan Iliyaz, Berk Imran, Vangelis Stykas, Nick Dunn, Andi Ahmeti, dhe Georg Ph. E. Heise.
Në fund të ditës, konferenca përfundon me fjalimin përmbyllës dhe shpalljen e fituesve të Capture-the-Flag, duke theksuar elementin konkurrent dhe bashkëpunues të BSides Tirana.
BSides Tirana 2025 është një ngjarje jo vetëm për të mësuar rreth teknologjive të reja dhe qasjeve të avancuara në sigurinë kibernetike, por edhe për të ndërtuar lidhje të forta brenda komunitetit të fushës. Mos e humbisni!
