Pas 5 vitesh, Apple ka rinovuar modelin më të kërkuar nga atletët dhe sportistët të kufjeve Beats: Powerbeats Pro 2.
Powerbeats Pro origjinale ishin kufjet më të mira për stërvitje dhe përdoreshin gjatë gjithë kohës nga superyjet e sportit, duke përfshirë LeBron James apo Anthony Joshua. Për vitin 2025 Apple ka ruajtur të gjitha pjesët e mira të modelit origjinal dhe ka rafinuar përshtatjen, i ka bërë më elegante dhe ka shtuar anulimin e zhurmës dhe monitorimin e rrahjeve të zemrës për $250 duke synuar të rimarrë vendin e parë të kufjeve premium të stërvitjes.
Forma e përgjithshme e kufjeve ka mbetur e njëjtë. Një bisht fleksibël silikoni fiksohet në pjesën e pasme të veshit të përdoruesit. Përshtatja shumë e sigurt gjatë aktivitetit fizik dhe e rehatshme për seanca dëgjimi të zgjatura gjatë udhëtimit. Bateria e kufjeve zgjat rreth 8 orë me anulimin aktiv të zhurmës (10 orë pa të) dhe karikohen deri në 3.5 herë plotësisht duke qëndruar në kasë. Kasa është 30% më e vogël se më parë, por është ende mjaft e madhe.
Powerbeats Pro 2 ka të njëjtin çip H2 dhe lidhje si AirPods Pro 2 të Apple, që do të thotë një lidhje pa probleme me pajisje të ndryshme Apple, duke përfshirë spatial audio për filma dhe muzikë, ndarje audio, mbështetje Siri dhe audio lossless kur përdoret me një Apple Vision Pro.
Ka shumë për të diskutuar për sa i përket veçorive në Powerbeats Pro 2, por më e madhja prej tyre është monitorimi i rrahjeve të zemrës. Është interesante se këto janë kufjet e para të Apple me këtë teknologji në bord, një aftësi që Beats thotë se e ka huazuar nga Apple Watch.
Sensori ndodhet menjëherë pas veshit për të marrë lexime nga të dy kufjet çdo pesë sekonda. Beats thotë se ka zhvilluar sensorin e rrahjeve të zemrës së Powerbeats Pro 2 “nga themeli” dhe se ai mbështetet në 4 komponentë kryesorë. Një dritë LED jeshile lëshon mbi 100 pulse në sekondë për të kaluar nëpër lëkurë dhe për të goditur qelizat e kuqe të gjakut. Një fotodiodë më pas kap dritën e reflektuar nga ato qeliza.
