Apple ka mbledhur një ekip ekspertësh të inteligjencës artificiale, të cilët më parë ishin punonjës të Google, në një laborator të fshehtë evropian në Zyrih, sipas Financial Times. Raportohet se laboratori, i referuar si “Vision Lab“, fokusohet në krijimin e modeleve dhe produkteve të avancuara të AI, me një interes të veçantë në sistemet e AI të bazuara në tekst dhe vizuale, të ngjashme me ato që qëndrojnë pas chatbot-it të njohur të OpenAI, ChatGPT.
Publikimi identifikoi se që nga viti 2018, Apple ka punësuar 36 specialistë nga Google, pas rekrutimit të John Giannandrea, ish-kreut të AI të Google, si drejtuesi më i lartë i AI i Apple. Për më tepër, laboratori i Zyrihut ka tërhequr ekspertë të dukshëm të AI, duke përfshirë ish-punonjës të Google si Bengio dhe Ruoming Pang, shton raporti.
Qendrat kryesore të zhvillimit të AI të Apple janë të vendosura në Kaliforni dhe Seattle, por laboratori i Zyrihut thuhet se përfaqëson angazhimin e shtuar të kompanisë ndaj AI. Sipas raportit, kompania ka blerë gjithashtu startup-et e inteligjencës artificiale FaceShift (VR) dhe Fashwall (image recognition), me gjasë duke nxitur interesin e saj për krijimin e laboratorit të ri në Zvicër.
Pavarësisht se gjigantët e tjerë të teknologjisë si Google, Microsoft dhe Samsung kanë bërë përparime të rëndësishme të AI, hyrja e Apple në këtë fushë ka qenë më e ngadaltë. Sipas Ruslan Salakhutdinov, i cili ka lidhje me Apple përmes startup-it të tij Perpetual Machines, vonesa e Apple mund t’i atribuohet një qasjeje të kujdesshme ndaj zhvillimit të AI.
Ai vuri në dukje se kompania heziton të lëshojë sisteme AI pa patur kontroll të plotë mbi to. Ambiciet e AI të Apple pritet të materializohen në përditësimin e ardhshëm të iOS 18, duke prezantuar shërbime gjeneruese të AI në aplikacione të ndryshme, duke përfshirë Siri, Spotlight, Shortcuts, Apple Music, Messages, Health, Keynote, Numbers dhe Pages.
