Dhe pse eventi i shtatorit nga Apple është zakonisht më i rëndësishmi për kompaninë, duket se ka ende produkte shumë të rëndësishme për t’u prezantuar gjatë muajit tetor. Më poshtë do të njihemi me disa prej tyre.
Hardware të rinj
- iPhone 14 Plus: Dhe pse ne i dimë të gjitha detajet e pajisjes, pajisja do të arrijë në vitrinat e dyqaneve në datën 7 tetor
- Mac mini M2: Kjo pajisje nuk është rifreskuar që me lançimin e M1 në vitin 2020, dhe pritet që të kemi një lançim të ri me ndryshime minimale në dizajn.
- MacBook Pro M2: Pritet që MacBook 14” dhe 16” me proçesorë M1 Pro dhe M1 Max të rifreskohen në proçesorin M2, me shumë pak ndryshime.
- iPad Pro M2: E njejta gjë vlen dhe për iPad Pro, të cilat do të rifreskohen me proçesorin e ri M2, ndoshta dhe me karikim wireless.
Aplikacione dhe software update
- iOS 16.1: Versioni i ri i sistemit operativ është ende në fazën beta, por pritet që versioni stabël të vijë drejt pajisjeve në tetor
- tvOS 16.1: Nuk do të ketë shumë ndryshime, përveç suportit për Matter smart home standard
- iPadOS 16.1: Shërbimi kryesor që do të shtohet në këtë version do të jetë Stage Manager për multitasking.
- macOS Ventura: I njohur ndryshe si macOS 13, “Ventura” sjell shërbime të reja si përdorimi i iPhone si kamera selfie, Passkey dhe shkëuptja e objekteve nga fotot si në iOS 16.
Shërbime të reja
Në Apple TV+ do të ketë disa seriale të reja që do të publikohen gjatë muajit tetor, ku përfshihen: Hello, Jack! The Kindness Show, Shantaram, Ghostwriter (sezoni i 3-të), Acapulco (sezoni i 2-të), Raymond and Ray.
Gjithashtu Apple do të prezantojë lojra të reja në Apple Arcade gjatë ditëve të premte.
