AirPods Pro mund të përfitojnë një modalitet të ri të quajtur “hearing aid” në iOS 18, sipas një raporti, me përmirësime në modelet e tjera që priten gjithashtu të vijnë gjatë 2024.
Live Listen i Apple ka ndihmuar personat me vështirësi të dëgjimit të përdorin AirPods për të dëgjuar më mirë mjedisin e tyre për disa vite. Tani, duket se Apple do të bëjë një hap të madh më tej.
Në buletinin “Power On” të së dielës për Bloomberg, Mark Gurman shkruan se do të ketë një modalitet të ri që do të shndërrojë AirPods Pro në një “aparat dëgjimi” pas përditësimit të iOS 18. Gurman nuk hyn në detaje se si funksionon shërbimi, por ka të ngjarë të jetë një përmirësim i shërbimit ekzistues të accessibility features.
Live Listen përdor iPhone si një mikrofon direksional, me audion që futet në AirPods të cilat po mbahen në veshin e përdoruesit. Ndërkohë Conversation Boost për AirPods Pro ndihmon në përmirësimin e cilësisë së audios për bisedat që ndodhin me persona që gjenden përpara përdoruesit.
Në vitin 2022, një studim përcaktoi se AirPods Pro ishin afërsisht në të njëjtin nivel me aparatet e dëgjimit me recetë, megjithëse u konsiderua se nuk ishin në gjendje të zëvendësonin pajisjet e gradës mjekësore në të gjitha situatat.
Përveç modalitetit të hearing aid, Gurman thotë se do të ketë versione të reja të nivelit të ulët dhe të mesëm të AirPods, të dizenjuara për të zëvendësuar AirPods të gjeneratës së dytë dhe të tretë.
Buletini i Gurman pason thashethemet e mëparshme për prezantimin e dy modeleve të gjeneratës 4 të AirPods, si dhe një përditësim të AirPods Max.
