Të blesh një aparat refurbished (rinovuar) ka një arsye të vetme dhe ajo është të kursesh para. Po përpara se të lëshohesh me kokë drejt çmimit më të ulët që të shohësh ka një listë me gjëra që duhen patur parasysh.
1. A është një aparat i rinovuar apo Open-Box Return.
Ndryshimi midis të dyjave ka të bëjë me kohën e përdorimit pasi e dyta është më e re. Që do të thotë se blerësi e ka hapur kutinë dhe e ka kthyer mbrapa thjesht se pse nuk e ka dashur, e ka gjetur kutinë të dëmtuar apo ka parë ndonjë parregullsi tjetër. Mënyra se si mund ta dish këtë është vetëm duke blerë zyrtarisht nga kompania prodhuese vetë ose nga shitës të autorizuar. Nëse nuk specifikohet në paketim mund edhe të pyesësh.
2. Kush e ka bërë rinovimin.
Pjesa më e madhe e kompanive e bëjnë vetë rikthimin në gjendje pune, por ka plot raste kur për shkak të fluskit të madh komania punëson një të tretë. Në rastin e variantit të dytë padyshim që çmimi është më i ulët, por padyshim që vjen me kostot e veta.
3. A vjen me gjithçka që kishte kutia.
Kjo është një arsye më tepër përse këshillohet të blesh nga shitësi direkt, pasi në rastin e një pale të tretë, aksesorëve dhe shoqëruesëve të produktit nuk do u kushtohet vëmendje, do vijnë gjysmakë ose jo origjinal. Në rastin e smartphonëve kufjet kabujt etj e në rastin e kompiuterave edhe CD me programe.
4. A ka produkti garanci.
Nëse në përshkrim sheh “siç është” kjo është dritë e kuqe, vetë se ndizet nuk do të thotë që valët i punojnë mirë, që mund të navigojë etj. Ka disa shtete që e imponojnë me ligj të drejtën e garancisë, por edhe nëse ligji nuk e kërkon, ti bën mirë që ta kërkosh të drejtën e një afati kohor garanci për produktin e blerë. Qoftë në formën e servisit, ndërrimit apo likuidimit.
5. Në çfarë gjendje është.
Nëse në paketim thuhet “si i ri” kjo mund të tregojë se aparati është përdorur fare pak ose që ka pasur një jetë të vështirë. Aq rënde sa pjesë kryesore si ekrani apo trupi i janë ndërruar totalisht. Ndaj konsidero herë pas here të kërkosh edhe për përshkrime më modeste, të cilat të japin një përshkrim më të ndershëm.
6. Si funksionon praktika e kthimit mbrapsht.
Një produkt sado i lirë të jetë duhet të ketë një afat kohor i cili të lejon të shohësh pë njëfarë kohe, pasi me aparatet digjitale duhet zakonisht të paktën një muaj ohë për t’i kuptuar si punon apo nëse ka defekte. Nëse shitësi nuk ta jep këtë kohë vlerësimi, për ta kthyer në rast se nuk je i kënaqur me të më mirë kurseji paratë.
7. Çfarë nuk duhet të blej të rinovuar?
– Sende që prekin lëkurën tënde (kufje etj.)
– Aksesorë mekanik (Tastierat)
-Hard drive apo SSD (njësitë e memories janë të vështira për tu kthyer në gjendjen fillestare)
-Televizorët (është e vështirë të kuptosh sa i vjetër është një televizor)
8. A janë aparatet e rinovuara gjithnjë më të lira.
Jo. Sa herë që je duke parë një produkt refurbished mos ngurro të kontrollosh edhe në platforma të tjera për të njëjtin produkt, çmimet variojnë. E për të mos thënë pastaj që nëse nuk tregohesh i kujdesshëm mjaftueshëm mund të blesh diçka që nuk ia vlen aspak dhe të të shkojnë edhe paratë dëm apo të ngelesh serviseve.
9. Cilat kompani rinovojnë.
-
Apple
-
Dell
-
Samsung
-
Google
-
Microsoft
-
Nintendo
Këto janë kompanitë e mëdha që rinovojnë aparate, për të tjerat do të sugjeronim ta rimendoje edhe një herë.
