Gjenden me miliona asteroidë në sistemin tonë diellorë dhe për fat të mirë numri i asteroidëve që mund të kalojnë pranë planetit tonë është shumë i vogël. Megjithatë shkencëtarët zbuluan një asteroid të ri që shfaq rrezikun më të madh për Tokën nga të gjithë asteroidët e tjerë.
Asteroidi i njohur si 2023 DW u zbulua në 26 shkurt nga European Space Agency. Tashmë trajektorja e tij do të ndiqet me shumë kujdes nga Risk List e agjencisë, një katalog me të gjithë objektet që shfaqin një rrezik sado të vogël përplasje. Në këtë listë asteroid 2023 DW gjendet i pari, por kjo nuk do të thotë se do të sjellë një dëmtim katastrofik.
We’ve been tracking a new asteroid named 2023 DW that has a very small chance of impacting Earth in 2046. Often when new objects are first discovered, it takes several weeks of data to reduce the uncertainties and adequately predict their orbits years into the future. (1/2) pic.twitter.com/SaLC0AUSdP
— NASA Asteroid Watch (@AsteroidWatch) March 7, 2023
Shkencëtarët tregojnë se asteroid ka një diametër prej 50 metrash. “Përllogaritjet momentale tregojnë për një rrezik përplasje shumë të ulët të këtij asteroidi me Tokën, dhe nuk ka pse të ketë një shqetësim publik”. Shancet që 2023 DW të përplaset me Tokën janë 1 në 607 raste.
Edhe nëse ky asteroid do të ketë një trajektore të afërt me Tokën, ky kalim nuk do të ndodhë dhe për dy dekada të tjera, pasi parashikohet që 2023 DW t’i afrohet Tokës në ditën e Shën Valentinit në vitin 2046.
Astronomi Piero Sicoli tregon se në bazë të përllogaritjeve të tij – të cilat mund të ndryshojnë me kalimin e kohës – tregohet se në qoftë se ky asteroid do të përplaset me Tokën, do të bie në Oqeanin Indian ose në vijën bregdetare lindore të SHBA.