Një ekip studiuesish në Australi kanë vendosur të kombinojnë qelizat e trurit të njeriut të rritur në laborator me çipa silikoni për të provuar krijimin e një sistemi kompjuterik që do të ketë më tepër aftësi se hardware-t tradicional.
Sistemi i ashtuquajtur “DishBrain“, që Geek Room dhe Neptun do të kenë mundësinë ta shikojnë nga afër gjatë MWC 2024, siguroi rreth $400,000 fonde nga një fond australian i mbrojtjes kombëtare. Nëse ky sistem është i suksesshëm, ai mund t’i sigurojë Australisë një hap përpara në fusha të ndryshme të AI, sipas profesorit të asociuar Adeel Razi në Universitetin Monash në Melburn, i cili drejton projektin. “Kjo aftësi e re e teknologjisë në të ardhmen mund të tejkalojë performancën e pajisjeve ekzistuese të bazuara në silikon“, tha Razi në kërkesën për financim.
Studimi vjen nga një partneritet midis një startupi të quajtur Cortical Labs dhe Universitetit Monash. Duke përdorur një kombinim të qelizave burimore të miut dhe njeriut, ata kanë rritur rreth 800,000 qeliza truri në një çip silikoni, “i cili ka një grup kunjash që dërgojnë impulse elektrike në strukturën nervore dhe marrin impulse në këmbim,” tregon Cortical Labs.
Çipi kompjuterik më pas mund të përdoret për të simuluar qelizat e trurit dhe për të lexuar aktivitetin prej tyre, duke e kthyer BrainDish në një lloj CPU-je biologjike. Në tetor, ekipi tregoi se teknologjia mund të programohet për të kryer detyra elementare, duke përfshirë luajtjen e lojës Pong.
Megjithëse kërkimi është ende në fillimet e tij, grupi sheh potencial në përdorimin e të njëjtës qasje për të kontrolluar sistemet më komplekse të AI. Në njoftim, ekipi la të kuptohet se BrainDish ka më shumë kapacitet në “të mësuarit gjatë gjithë jetës” në krahasim me programet tradicionale të AI, të cilat kanë kufij më të rreptë të memories.
Megjithëse kërkimi është ende në fillimet e tij, grupi sheh potencial në përdorimin e të njëjtës qasje për të kontrolluar sistemet më komplekse të AI. Në njoftim, ekipi la të kuptohet se BrainDish ka më shumë kapacitet në “të mësuarit gjatë gjithë jetës” në krahasim me programet tradicionale të AI, të cilat kanë kufij më të rreptë të memories.
