Kodi i zbuluar nga Nicolás Alvarez konfirmon planet e Apple për të nxjerrë katër modele iPhone 16 këtë vit dhe tregon se pajisjet do të kenë të gjitha të njëjtin çip të serisë A.
Në internet po qarkullojnë numrat e modeleve të reja që nuk lidhen me iPhone-ët ekzistues dhe që kanë skemën e numrave që Apple përdor për pajisjet e saj kryesore. Kodi përfshin emrat e mëposhtëm të iPhone:
- iPhone 17,1
- iPhone 17,2
- iPhone 17,3
- iPhone 17,4
- iPhone 17,5
Të pesë fillojnë me të njëjtin numër, gjë që sugjeron se Apple planifikon të përdorë të njëjtin çip për ta.
Më parë me modelet e iPhone 15, të cilët kanë çipa të ndryshëm, Apple ka përdorur një skemë të ndryshme emërtimi si më poshtë:
- iPhone 15 – iPhone 15, 4
- iPhone 15 Plus – iPhone 15,5
- iPhone 15 Pro – iPhone 16,1
- iPhone 15 Pro Max – iPhone 16,2
Modelet e iPhone 15 kanë çipin A16 Bionic që u përdor për herë të parë në modelet e iPhone 14 Pro, të cilat kishin numrat përkatës të modelit të iPhone 15,2 për iPhone 14 Pro dhe iPhone 15,3 për iPhone 14 Pro Max.
IPhone 15 Pro dhe Pro Max kanë çipin A17 Pro, pra identifikuesin 16,x. Pra, nëse Apple i përmbahet skemës së mëparshme që ka përdorur prej vitesh, të katër modelet e iPhone 16 do të kenë të njëjtin çip, dhe kjo është në përputhje me thashethemet dhe rrjedhjet e mëparshme.
Megjithatë ne vëmë re në listë se kemi 5 pajisje, dhe me shumë mundësi bëhet fjalë për një model të ri SE që pritet të prezantohet së shpejti, por do të na duhet ta verifikojmë me kalimin e kohës.
