Përpara lançimit të Google Pixel 8, Samsung ishte kompania në ekosistemin Android me mbështetjen më të gjatë të pajisjeve për sa i përket përditësimeve të software-it. Kompania premton katër përditësime të sistemit operativ dhe pesë vjet përditësime sigurie për pajisjet e saj të midrange dhe flagship.
Por më pas, Google e çoi shkoi drejt një niveli të ri duke premtuar shtatë vjet përditësime të OS dhe sigurie për Pixel 8. Prandaj dhe Samsung po konsideron gjithashtu ofrimin e mbështetjes për telefonat më të mirë Galaxy për më shumë se pesë vjet përmes përditësimeve të sigurisë. Samsung mbajti konferencën e saj vjetore të zhvilluesve në San Francisco javën e kaluar.
Shin-Chul Baik, inxhinier kryesor dhe menaxher i Programit Teknik në Samsung, theksoi se kompania ka diskutuar për zgjerimin e mbështetjes me përditësime të sigurisë për pajisjet e saj në më shumë se pesë vjet. Baik tregon se Samsung ka investuar shumë në ofrimin e përditësimeve të sigurisë në kohë për mbi 150+ pajisje Galaxy në mbarë botën.
Gjigandi korean aktualisht përditëson mbi një miliard pajisje çdo muaj dhe mbi 10 miliardë pajisje çdo vit. Ndërsa disa kompani premtojnë gjithashtu pesë vjet përditësime sigurie për pajisjet e tyre, ato nuk mund ta mposhtin shpejtësinë e lëshimit të Samsung, të cilët zakonisht lëshojnë një patch sigurie për telefonin e tyre Android në mes ose në fund të muajit.
Gjiganti korean me sa duket ka punuar ngushtë me Google për ta arritur këtë. Modelet aktuale të Samsung të cilat do të marrin përditësime sigurie mund t’i gjeni në Samsung Security Updates.
