Seria Oppo Reno u prezantua për herë të parë në vitin 2019, dhe që nga ajo kohë seria është shtuar me pajisje të reja me kosto të përballueshme ndërkohë që ofrojnë një dizajn mjaft tërheqës. Tashmë kompania ka prezantuar zyrtarisht smartphone-in më të ri në këtë seri, Oppo Reno 8 Pro.
Cilësia më tërheqëse e këtij smartphone-i është padiskutim dizajni, i cili ngjason me Oppo Find X5 Pro. Oppo Reno 8 Pro ofron një xham të pasëm që vazhdon i pandërprerë dhe mbi ishullin e kamerave, së bashku me skajet e sheshta. Ky dizajn është identic me Oppo Reno 8 Pro Plus që u lançua në Kinë më herët gjatë këtij viti.
Proçesori Mediatek Dimensity 8100-Max fuqizon pajisjen me ekran 6.7 inç FHD+ 120Hz refresh rate. Bateria vjen me një kapacitet prej 4,500mAh dhe mund të karikohet super shpejt me karikuesen me kabull 80W.
Për sa i përket sektorit të fotografisë, Oppo Reno 8 Pro përdor çipin MariSiliconX të vetë kompanisë. Ky çip prodhon video 4K me më tepër kualitet në kushte me pak ndriçim, video të përmirësuar 4K HDR dhe selfie akoma më të qarta.
Në pjesën e pasme Oppo Reno 8 Pro është i pajisur me 3 kamera: një kryesore 50MP, një ultrawide 8MP dhe një macro shooter 2MP. Kamera selfie vjen me një rezolucion 32MP. Të gjitha këto shërbime do të vijnë në Oppo Reno 8 Pro në një çmim prej $575.
