Shpesh herë na ka ndodhur që në makinën tonë të shfaqet një simbol i ri, kuptimin e të cilit nuk e dimë, dhe shqetësohemi menjëherë. Mirëpo në të ardhmen libri i makinës tuaj që i shpjegon këto simbole do të zëvëndësohet nga iPhone, falë update-it të rradhës nga Apple.
Gjigandi i teknologjisë ka vendosur të rifreskojë Visual Look Up në versionin më të ri të iOS 17. Momentalisht ky shërbim arrin të njohë vende të njohura, statuja, arte, bimë, kafshë edhe shumë gjëra të tjera.
“Tashmë përmes update-it të ri përdoruesit do të jenë në gjendje të identifikojnë ushqime, shenja dhe simbole, si dhe të kapin subjekte të veçanta nga fotot e tyre.” shpjegoi kompania.
Visual Look Up është një shërbim i lançuar në iOS 16 i cili përdor inteligjencën artficiale për të identifikuar një objekt në fotot tuaja. Duhen ende disa muaj deri sa iOS 17 të prezantohet zyrtarisht, megjithatë ky shërbim është raportuar nga testuesit beta të këtij versioni.
Kur ju hapni një foto në smartphone-in tuaj, do të shikoni një ikonë mbi foto. Mjafton të bëni rrëshqisni lart në foto, dhe Siri do të identifikojë simbolet që ju keni kapur foto, së bashku me burimin e informacionit.
