Pritet që këtë vit të prezantohet një version i ri i pajisjeve të palosshme Oppo Find N3 Flip, dhe renders për këtë smartphone kanë nisur të publikohen duke u bazuar në raportimet më të fundit.
Dhe pse pamja e jashtme nuk duket të ketë ndryshuar shumë, ne mund të vemë re praninë e një kamere tjetër në Oppo Find N3 Flip. Ky lajm vjen nga 91mobiles, i cili ka publikuar një imazh të vetëm të kësaj pajisje. Website-i pretendon se ky render është zhvilluar duke u bazuar në një prototip që është pjesë e testimeve Engineering Validation test.
Besohet se kamerat e përfshira në këtë smartphone do të jenë të njejta me ato të Oppo Reno 10 Pro, pra me shumë mundësi do të kemi një kamera kryesore 50MP, një telephoto 32MP dhe një ultrawide 8MP.
Për sa i përket specifikave të tjera nuk po qarkullojnë shumë informacione, por ekziston mundësia që ato të jenë shumë të përafërta me Oppo Find N2 Flip.
Sigurisht duhet të kujtojmë se ky është thjesht një render, dhe jo një imazh zyrtar nga kompania, kështu që deri në datën e prezantimit mund të aplikohen ndryshime të tjera.
