Kompania e investimeve Evercore ka konfirmuar se kërkesa për smartphone-t e rinj në linjën iPhone 14 po rritet dita-ditës, pavarësisht dyshimeve nga ana e Bank of America dhe mediave të ndryshme.
Analisti Amit Daryanani tregoi se koha e prodhimit të modeleve Pro të iPhone 14 po shtohet, gjë që tregon për një rritje të kërkesës nga ana e përdoruesve. Kërkesa për iPhone 14 Pro dhe 14 Pro Max është rritur në të gjitha tregjet ndërkombëtare, përveç Japonisë, duke hedhur poshtë të gjitha dyshimet.
“Përllogaritjet tona qëndrojnë të njejta, njësitë do të prodhohen në mënyrë stabël ose disi të përshpejtuar, mirëpo historia kryesore do të jetë ruajtja e vlerës së pajisjeve jo vetëm në shtator, por me shumë mundësi deri në dhjetor,” shkruajti Daryanani në raportin e tij.
Më specifikisht, ai tregoi se proçesi i prodhimit të iPhone 14 Pro Max është rreth 30 ditë ndërkohë që për iPhone 14 Pro proçesi i prodhimit aktualisht zgjat diku tek 20 ditë.
Nga ana tjetër kërkesa për iPhone-t e tjerë më loë end si ai 14 dhe 14 Plus janë më të ulta kur krahasohen me modelet Pro, por Apple ka parë një përmirësim gjatë ditëve të fundit.
