Në një lëvizje befasuese, Apple ka njoftuar se do të mbështesë standardin e mesazheve RCS (Rich Communication Services). Funksioni do të lançohet përmes një përditësimi softuerik “më vonë vitin e ardhshëm” dhe do të sjellë një gamë të gjerë funksionesh të stilit iMessage në mesazhet midis përdoruesve të iPhone dhe Android.
Vendimi i Apple vjen mes presionit nga rregullatorët dhe konkurrentët si Google dhe Samsung. Ai gjithashtu vjen pasi RCS ka vazhduar të zhvillohet dhe të bëhet një platformë më e pjekur se dikur.
Në një deklaratë për 9to5Mac, një zëdhënës i Apple tha se kompania beson se RCS do të ofrojë ndërveprim më të mirë për mesazhet ndër-platformë.
RCS sjell shumë veçori të stilit iMessage në mesazhet cross-platform midis pajisjeve iPhone dhe Android. Kjo përfshin gjëra të tilla si read receipts, typing indicator, shpërndarja e imazheve dhe videove me cilësi të lartë dhe më shumë. Zbatimi i RCS nga Apple do t’u japë gjithashtu përdoruesve mundësinë për të shpërndarë vendndodhjen e tyre me njerëz të tjerë brenda aplikacionit të mesazheve, thotë kompania.
Ndryshe nga SMS-të e zakonshme, RCS mund të funksionojë edhe përmes të dhënave celulare ose Wi-Fi. Por në të njëjtën kohë, iMessage nuk po shkon askund. Ajo do të vazhdojë të jetë platforma e mesazheve e përdorur për të gjithë komunikimin midis përdoruesve të iPhone. RCS thjesht do të zëvendësojë SMS dhe MMS dhe do të ekzistojë veçmas nga iMessage kur të jetë i disponueshëm. SMS dhe MMS gjithashtu do të vazhdojnë të jenë të disponueshme si rezervë kur të jetë e nevojshme, thotë Apple.
