Një video e bërë leak e lojës Resident Evil 4 VR na tregon se të gjithë përdoruesit do të mund të shkarkojnë përmes update-it të ri modalitetin The Mercenaries në 2022.
Sipas raportimeve, kjo gjë u bë e ditur pasi u shfaq për pak momente në kanalin në YouTube të Oculus para se të fshihej. Megjithatë persona të ndryshëm arritën të regjistronin trailer-in dhe e ripostuan atë në YouTube. Në këtë trailer thuhej se The Mercenaries DLC do të vijë në 2022 si një update falas në Meta Quest 2 (më parë njihej si Oculus Quest 2 por tashmë është update-uar me një logo të re dhe emrin e ri të kompanisë).
Disa nga fansat mbetën shumë të pakënaqur më parë kur morën vesh se Mercenaries nuk ishte e përfshirë në RE4VR, modalitet në të cilin ju duhet të vrisni grupe të ndryshme me kundërshtarë për të grumbulluar sa më shumë pikë para se koha të përfundojë.
RE4VR u publikua muajin e kaluar në Oculus Quest 2 pa përfshirë add-ons që vinin me lojën, duke përfshirë këtu The Mercenaries, Separate Ways dhe Assignment: Ada.
Modaliteti Mercenaries ishte present në të gjitha versionet e RE4, RE3: Nemesis, RE5, RE6, RE Village dhe RE: The Mercenaries 3D.
