Sezoni i ri i Fortinte është shumë pranë, mirëpo përpara prezantimit të tij zyrtar, një trailer i këtij sezoni është bërë leak në internet. Përmes këtij traileri fansat kanë mësuar të gjithë personazhet që pritet të shfaqen, duke përfshirë këtu skins të reja dhe mekanikat e lojës.
Ishte adresa zyrtare e Fortnite në Poloni që e publikoi këtë trailer gabimisht. Dhe pse video u fshi shumë shpejt nga adresa zyrtare, ajo u shkarkua nga shikues të ndryshëm dhe u rishfaq sërisht në rrjete të tjera sociale.
NEW FORTNITE CHAPTER 3 TRAILER LEAKED ONLY WATCH IF YOU WANT TO!! #FortniteChapter3 pic.twitter.com/N0SBoJaF4I
— GalaxyBoi?❄️ (@DaRealGalaxyBoi) December 4, 2021
Me sa duket dhe gazeta Daily Bugle nga versioni NYC i Spider-Man do të jetë pjesë e hartës së re në Fortnite. Gjithashtu në lojë do të përfshihet dhe një mekanikë e re e lëkundjes në rrjetë, njësoj si në lojërat e reja të Spider-Man. Personazhet e tjerë që do të shfaqen në këtë sezon do të jenë dhe Marcus Fenix dhe Kait Diaz nga Gears of War.
Nuk është një surprizë fakti se Fortnite po mundohet të krijojë “metaversin” e saj, por tashmë është bërë disi e bezdisshme të shikojmë çdo figurë të famshme të përfshihet në Fortnite. Në të ardhmen pritet që lojës t’i bashkohen dhe karakteret e The Matrix.
